Tite 3:13 - Mbeti ti Nzapa - Tënë so amu fini

¹³ Mo mu maboko na Zenas, wagbungo-koko, lo na Apolos ngbanga ti tambula ti ala si mbeni ye atia ala pepe.

Tite 3:13 ပူးပေါင်းရင်းမြစ်များ

Matthieu 22:35

Na popo ti ala, mbeni wafango-ndia oko aye ti sara si Jésus ati na ya ti gbanda ti lo; lo hunda Jésus, lo tene:

Nzoni Tënë so Luc asu na mbeti 10:25

Mbeni wafango-ndia aye ti sara si Jésus ati na ya ti gbanda ti lo si lo hunda lo: “Wafango-ye, nyen laa mbi lingbi ti sara ti wara fini so angba lakue lakue?”

Nzoni Tënë so Luc asu na mbeti 11:45

Mbeni oko ti awafango-ndia ni atene na lo: “Wafango-ye, tënë so mo yeke tene so, mo yeke zonga nga e laa!”

Nzoni Tënë so Luc asu na mbeti 11:52

“Mawa na ala, awafango-ndia! Ala mu kerere so a yeke zi na yanga ti hingango ndo; me ala wani, ala li na ndo ti hingango ndo ni pepe. Azo so aye ti li, ala kanga lege ni na ala.”

Nzoni Tënë so Luc asu na mbeti 14:3

Jésus ahunda awafango-ndia na afarizien, atene: “*Ndia amu lege na zo titene lo kai kobela na tere ti zo na lango ti wungo tere, wala lo lingbi ti sara ni pepe?”

Nzoni Tënë so Luc asu na mbeti 7:30

Me *afarizien na awafango-ndia ake ti yeda na nzoni ye so Nzapa aleke ndali ti ala si ala ke ti wara bateme ti Jean.

Awatokua 15:3

Azo ti Eglize ni amu aye na ala ndali ti lege. So ala yeke hon na ya ti sese ti Fenisii na ti Samarii, ala yeke fa na azo lege so azo ti amara nde akiri na mbage ti Nzapa. Tënë ni amu ngia na be ti a-ita, azo ti Christ kue.

Awatokua 18:24

Na ndembe ni so, mbeni zuife so a du lo na gbata ti Aleksandrii so iri ti lo ayeke Apolos asi na Efeze. Lo yeke mbeni zo so ayeke tene tënë nzoni mingi si lo hinga nga Mbeti ti Nzapa nzoni mingi.

Awatokua 19:1

Na ndembe so Apolos ade na Korente, Paul ahon na ndo so ahoto ayeke daa si lo si na Efeze. Kâ, lo wara ambeni disiple,

Awatokua 21:5

Me so lango ti e na ndo so ahunzi awe, e londo ti hon. Adisiple ni kue, ala na awali ti ala na amolenge ti ala ague, azia e na lege ngbii asi na yanga ti gbata ni. E kuku na yanga ti kota ngu-ingo ni si e sambela.

Awatokua 28:10

Azo ti zoa ni ane e tongana akota zo. Na ngoi so e yeke mu mangboko ti hon, ala mu na e aye ndali ti lege.

Rome 15:24

Na ndembe so mbi yeke hon ande ti gue na kodro ti Espanye, mbi ye ti baa ala titene e na ala, e duti kete si tere ti mbi anzere. Mbi ye nga titene ala mu na mbi maboko na guengo ti mbi kâ.

1 Korente 16:11

Alingbi zo oko abaa lo tongana senge zo pepe. Ala mu na lo maboko titene lo kiri na tere ti mbi na siriri, ngbanga ti so mbi na a-ita e yeke ku lo.

1 Korente 16:12

Ti ita ti e Apolos, mbi tene tënë na lo mingi titene lo na a-ita ague, abaa ala, me ti be ti lo, lo ye ti gue fadeso pepe. Tongana ndembe ni alingbi, fade lo yeke gue.