Tite 2:6 - Mbeti ti Nzapa - Tënë so amu fini

⁶ Mo mu nga wango na amaseka-koli titene ala sara ye ahon ndoni pepe, me na legeni;

Tite 2:6 ပူးပေါင်းရင်းမြစ်များ

Mbeti ti Job 29:8

amaseka so abaa mbi ayeke gboto tere ti ala yamba; ambakoro ayeke londo, aluti na nduzu.

Abia (Psaumes) 148:12

Ala amaseka-koli na amaseka-wali, ala akangba na amolenge, ala sepela lo!

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Zo ti bongbingo azo 12:1

Na ngoi so mo de maseka, ayeke nzoni mo dabe ti mo na lo so asara mo. Dabe ti mo na lo kozoni si alango ti pasi asi, so ti tene ngoi so fade mo yeke tene: “Dunia ni anzere na mbi oko pepe”.

1 Tesalonike 5:6

Tongaso, alingbi e lango tongana tanga ti azo pepe, me le ti e akpengba, e sara ye ahon ndoni pepe, me na legeni.

1 Timothée 5:1

Mo suku ngangu na mbakoro-koli pepe, me mo mu wango na lo tongana ti so mo yeke mu wango na babâ ti mo, mo mu wango na amaseka-koli tongana a-ita ti mo ti koli;

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”

1 Jean 2:13

Ababâ, mbi su mbeti so na ala, mbi tene: “Ala hinga awe lo so ayeke ngbene ye na tongo nda ni.” Amaseka, mbi su mbeti so na ala, mbi tene: “Ala hon ndö ti Sioni wato awe.”