Tite 2:5 - Mbeti ti Nzapa - Tënë so amu fini

⁵ ti sara ye ahon ndoni pepe, me na legeni, ti bata li ti ala nzoni, ti duti anzoni wali ti da, ti duti na nzerengo be, ti ma yanga ti akoli ti ala. Tongaso, fade mbeni zo ayeke zonga tënë ti Nzapa pepe.

Tite 2:5 ပူးပေါင်းရင်းမြစ်များ

Tongo nda ti aye 18:9

si na pekoni, ala hunda lo, atene: “Wali ti mo Sara ayeke na ndo wa?” Lo kiri tënë, lo tene: “Lo yeke kâ na ya ti da ti bongo.”

Tongo nda ti aye 3:16

Na pekoni, Nzapa atene na wali: “Mbi yeke sara ande titene na ndembe so mo yeke na ngo, mo yeke baa pasi mingi na ni; na ya ti pasi si mo yeke du amolenge. Fade nzara ti be ti mo kue ayeke gi na mbage ti koli ti mo, me lo yeke sara komandema na ndö ti mo.”

2 Samuel 12:14

Me ye oko, mo bi buba na tere ti KOTA GBIA, nilaa molenge so a du lo na mo so ayeke kui.”

Abia (Psaumes) 74:10

Nzapa, zo ti kengo mo ayeke ngba ti zonga mo ngbii asi lawa? Fade wato ayeke ngba ti zonga iri ti mo lakue?

Amato 7:11

Lo yeke tene tënë na mbeto pepe, kamene ayeke sara lo oko pepe; ngbonda ti lo agbu sese na yanga-da ti lo pepe.

Awatokua 9:36

Na gbata ti Zope, mbeni wali ayeke daa so ayeke disiple ti Jésus, iri ti lo ayeke Tabita. Iri ti lo na yanga ti greke ayeke Dorkas, nda ni atene “Dengbe”. Lo mu ngoi ti lo kue ti sara anzoni ye na azo, ti mu maboko na azo ti mawa.

Awatokua 9:39

Tongaso Pierre alondo hio si lo na ala ague. So lo si kâ, ala gue na lo na ya ti kubu ti nduzu. Awali-mua abongbi na tere ti Pierre si ala yeke toto; ala yeke fa na lo anduzu-bongo na ayongoro bongo so Dorkas afu ni na ngoi so lo ngba na fini.

Rome 14:16

Ye so ala baa tongana nzoni ye ndali ti ala, alingbi aga sioni ye na le ti amba ti ala pepe.

Rome 2:24

Biani, Mbeti ti Nzapa atene: “Ndali ti ala azuife, azo ti amara nde ayeke zonga iri ti Nzapa.”

1 Korente 11:3

Me mbi ye ala hinga so Christ ayeke makonzi ti koli kue; koli ayeke makonzi ti wali si Nzapa ayeke makonzi ti Christ.

1 Korente 14:34

alingbi awali akai na ya ti bongbi: a mu lege na ala ti tene tënë pepe; ala ma yanga tongana ti so *Ndia afa.

Efeze 5:33

me tënë ni ayeke nga ti ala azo ti Nzapa: ayeke nzoni koli oko oko aye wali ti lo tongana ti so lo ye tere ti lo wani si wali oko oko akpe koli ti lo.

Kolose 3:18

Awali, ala ma yanga ti akoli ti ala; ye so azo ti *Kota Gbia alingbi ti sara laa.

1 Timothée 5:10

Alingbi azo ahinga lo ndali ti nzoni sarango ye ti lo: lo bata amolenge ti lo nzoni, lo yamba azo so aga na da ti lo nzoni, lo sukula gere ti azo ti Nzapa, lo mu maboko na azo so ayeke na ya ti pasi si lo mu ngangu ti lo ti sara anzoni ye nde nde.

1 Timothée 6:1

Azo so kue ayeke na gbe ti ngbaa, alingbi ala kpe awa ti ala mingi, tongaso si mbeni zo awara lege ti zonga iri ti Nzapa wala fango ye ti e pepe.

Tite 2:4

ala fa na amaseka-wali so amu koli ti ye akoli ti ala na amolenge ti ala,