Tite 2:3 - Mbeti ti Nzapa - Tënë so amu fini

³ Mo tene nga na ambakoro-wali titene ala duti tongana azo so aduti nde ndali ti Nzapa: alingbi ala tene sioni tënë na iri ti zo pepe, ala yeke angbaa ti samba pepe, ala fa na azo ye so ayeke nzoni,

Tite 2:3 ပူးပေါင်းရင်းမြစ်များ

Rome 1:29

Asioni ye nde nde asi singo na be ti ala: ye so ayeke mbirimbiri pepe, sioni be, nzara ti warango ye mingi; ala yeke azo ti sioni be, kota be ahon ndö ti ala, ala yeke azo ti fango zo, azo ti papa, azo ti mvene, azo ti mbana, azo ti dungo mvene na iri ti amba ti ala,

Rome 16:2

Na lege ti gango so e ga oko na *Kota Gbia, ala yamba lo tongana ti so azo ti Nzapa ayeke sara lakue. Tongana lo hunda na ala mbeni ye so atia lo, ala mu maboko na lo, ngbanga ti so lo mu maboko na azo mingi; mbi nga, lo mu maboko na mbi.

Efeze 5:3

Ala yeke azo so ayeke nde si ayeke nzoni kue. Tongaso, sarango ye ti ndumba, sarango aye ti kamene nde nde wala kota nzara ti warango ye, akpa titene a ma tënë ti aye tongaso na popo ti ala pepe.

1 Timothée 3:11

Alingbi awali ni nga ayeke azo so ane tere ti ala, ala yeke tene sioni tënë na iri ti zo pepe, ala yeke sara ye ahon ndoni pepe, me na legeni; azo alingbi ti zia be na ndö ti ala na ya ti aye kue.

1 Timothée 3:8

Alingbi *adiakre nga aduti azo so ayeke ne tere ti ala; tënë ti yanga ti ala ayeke use use pepe, ala yeke angbaa ti samba pepe, ala gi ti wara ye na lege ti sioni pepe.

1 Timothée 5:23

Mo nyon gi ngu pepe, me mo nyon vin kete ndali ti ya ti mo, ngbanga ti so tere ti mo ayeke so ka mingi.

Tite 1:7

Zo ti li ti Eglize ayeke wabatango lege ti aye ti Nzapa, nilaa alingbi lo yeke zo so tënë ayeke na li ti lo pepe. Lo yeke zo ti pikango kate pepe, zo ti ngonzo pepe, ngbaa ti samba pepe, zo ti tiri pepe; lo yeke zo ti warango nginza na lege ti likisi pepe.

Tite 2:4

ala fa na amaseka-wali so amu koli ti ye akoli ti ala na amolenge ti ala,

Ahebro 5:12

Ngoi ahon mingi so ala lingbi fade ti ga awafango-ye! Me ala kiri aga azo titene a kiri a fa na ala akozo tënë ti Nzapa. So aye ti fa atene, ala de ti kpengba titene a mu na ala kpengbango kobe pepe, ala ngba ti nyon me.

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.