Tite 2:10 - Mbeti ti Nzapa - Tënë so amu fini

¹⁰ ala nzi nga ye ti awa ti ala ni pepe. Lakue ala sara ye titene awa ti ala alingbi ti zia be ti ala na ndö ti ala. So laa ayeke sara titene azo ane tënë so e yeke fa si alondo na Nzapa, Wasongo e.

Tite 2:10 ပူးပေါင်းရင်းမြစ်များ

Abia (Psaumes) 101:6

Na ya ti kodro, fade mbi yeke soro azo so alingbi titene ala duti na tere ti mbi; zo so tambula ti lo alingbi kue, lo laa lo yeke sara ande kua na mbi.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Nzoni Tënë so Luc asu na mbeti 1:47

Be ti mbi asi singo na ngia ndali ti Nzapa, Wasongo mbi,

Nzoni Tënë so Luc asu na mbeti 1:80

Molenge ni ayeke kono si ndara ti lo ayeke mai. Lo duti na benyama ngbii asi na lango so lo sigigi polele na le ti azo ti Israel.

Nzoni Tënë so Luc asu na mbeti 16:10

Zo so ayeke sara ye na legeni na akete ye, fade lo yeke sara ye na legeni na akota ye. Me zo so ayeke sara ye kirikiri na akete ye, fade lo yeke sara nga ye kirikiri na akota ye.

Jean 12:6

Lo tene tënë so, ngbanga ti so tënë ti azo ti mawa agbu be ti lo pepe, me ngbanga ti so lo yeke zo ti nzi: lo yeke bata bozo ti nginza si lo yeke nzi nginza so azo ayeke bi na ya ni.

1 Korente 4:2

Me ye so a yeke hunda na awabatango-ye, ayeke titene ala sara kua ti ala na legeni.

Efeze 4:1

Tongaso, mbi so mbi yeke na da ti kanga ndali ti kua ti *Kota Gbia, mbi hunda na ala mingi titene sarango ye ti ala alingbi na iringo so lani Nzapa airi ala.

Filipe 1:27

Gi ye oko, ayeke nzoni lege ti dutingo ti ala alingbi na ti so Nzoni Tënë ti Christ afa. Tongaso, ataa mbi ga, mbi baa ala, ataa mbi ga pepe, me mbi ma atënë ti ala, fade mbi yeke hinga, mbi tene, ala ngba ti luti nganganga, tënë ti be ti ala kue ayeke gi oko si ala bongbi oko ti tiri ndali ti mabe so aga na lege ti Nzoni Tënë.

Filipe 4:8

A-ita, ti hunzi na ni, alingbi ala zia be ti ala na ndö ti ye so ayeke taa-tënë, ye so ayeke ye ti nengo ni, ye so ayeke mbirimbiri, ye so ayeke nzoni kue, ye so zo alingbi ti ye ni, ye so zo alingbi ti gonda ni, ye so kue ayeke nzoni mingi, ye so zo alingbi ti tene nzoni tënë ni na le ti azo.

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

1 Timothée 5:17

*Akangba so ayeke bata *Eglize na legeni, ayeke nzoni azo ane ala si afuta ala na legeni; mbirimbiri ala so amu tere ti ala kue na kua ti fango tënë ti Nzapa nga na fango ye na azo.

1 Timothée 6:1

Azo so kue ayeke na gbe ti ngbaa, alingbi ala kpe awa ti ala mingi, tongaso si mbeni zo awara lege ti zonga iri ti Nzapa wala fango ye ti e pepe.

1 Timothée 6:3

Zo so ayeke fa mbeni ye nde, tënë ti lo ague nde na ti *Kota Gbia ti e Jésus Christ si alingbi na nzoni lege ti vorongo Nzapa pepe,

Tite 1:3

So ngoi ni alingbi awe, Nzapa, Wasongo e afa tënë ti lo, lo mu na mbi tënë ni si mbi yeke fa ni na peko ti yanga so lo mu na mbi.

Tite 3:4

Me na ndembe so Nzapa, Wasongo e, afa nzoni be ti lo na azo si lo fa nga yengo so lo ye azo na ni,

1 Pierre 2:12

Alingbi dutingo ti ala na popo ti azo ti amara nde ayeke nzoni. Tongaso, ataa so azo ni ayeke bi tënë na li ti ala atene, ala yeke azo ti sarango sioni, azo ni abaa nzoni sarango ye ti ala si ala gonda Nzapa na ndembe so lo yeke ga.

1 Pierre 3:16

Ala kiri tënë na azo ni na ngangu pepe, ala ne azo ni. Alingbi mbeni sioni ye oko aduti na be ti ala pepe. Tongaso, taa ye so azo ayeke bi tënë na li ti ala senge senge ndali ni, kamene ayeke gbu azo so atene sioni tënë na tere ti ala ndali ti nzoni dutingo ti ala oko na Christ.

2 Jean 1:9

Zo so kue azia mbeni tënë nde na ndö ti tënë so Christ afa si lo ngba na lege ti tënë ni pepe, andaa lo ke Nzapa awe. Zo so angba na lege ti tënë so Christ afa, andaa lo yamba Babâ na Molenge ti lo awe.

1 Samuel 22:14

Ahimelek akiri tënë na gbia, atene: “Na popo ti azo ti kua ti mo kue, mbeni mbirimbiri zo tongana David ayeke daa? Lo yeke kogara ti gbia, lo ga makonzi ti aturugu ti batango mo, azo ti da ti mo ayeke ne lo mingi.

1 Samuel 26:23

Fade KOTA GBIA ayeke sara na zo oko oko alingbi na mbirimbiri ye nga na nzoni ye so lo sara. Laso, KOTA GBIA azia mo na maboko ti mbi si mbi ke ti sara sioni na zo so KOTA GBIA atuku mafuta na li ti lo titene lo ga gbia so.