Tite 1:15 - Mbeti ti Nzapa - Tënë so amu fini

¹⁵ Ye kue ayeke *nzoni ndali ti azo so be ti ala avuru. Me ti azo so ayeke *sioni si ala ke ti ma na be, mbeni *nzoni ye oko ndali ti ala ayeke daa pepe. Hingango ndo ti ala nga na be ti ala kue aga *sioni awe.

Tite 1:15 ပူးပေါင်းရင်းမြစ်များ

Amato 21:4

Le so abaa zo tongana mbumbuse ye nga na kate so asuku na baba, aye so afa polele na gigi siokpari ti zo.

Amato 30:12

“Ambeni zo ayeke daa so ayeke baa tere ti ala tongana azo ti vurungo be, ataa so ade a *sukula sioni ti ala pepe.

Aggée 2:13

Aggée akiri ahunda ala, atene: “Tongana mbeni zo andu kuâ ti zo, andaa lo ga *sioni awe. Na pekoni, tongana lo kiri lo ndu mbeni kobe ni so, kobe ni aga nga *sioni awe?” Awayango-sandaga akiri tënë: “Een, aga *sioni awe!”

Matthieu 15:18

Me ye so asigigi na yanga ti zo, alondo na be ti lo. So laa asara titene zo ni aga *sioni.

Awatokua 10:15

Go ni akiri atene na lo: “Ye so Nzapa asara si aga *nzoni awe, mo baa ni tongana *sioni ye pepe.”

Rome 14:14

Ti mbi, na lege ti gango so mbi ga oko na *Kota Gbia Jésus, mbi hinga biani so mbeni ye oko so ayeke *sioni ayeke daa pepe. Me tongana mbeni zo abaa mbeni ye tongana *sioni, ye ni ayeke *sioni gi na le ti zo ni.

Rome 14:20

Ndali ti tënë ti kobe, mo buba lege ti kua ti Nzapa pepe! Biani, kobe kue ayeke *nzoni, me tongana aga mbeni ye so zo ayeke pika gere ti lo daa ti ti na ya ti siokpari, andaa tengo kobe ti mo ni aga ye ti sioni awe.

Rome 14:23

Me zo so ayeke dekite na be ti lo ndali ti kobe so lo yeke te, Nzapa afâ ngbanga na li ti lo awe, ndali ti so sarango ye ti lo ayeke na lege ti mabe pepe. Biani, ye so kue zo asara na lege ti mabe pepe ayeke siokpari.

1 Korente 10:23

Ambeni zo ayeke tene: “A mu na zo lege ti sara ye kue”. Taa-tënë, me ye kue laa ayeke sara nzoni na zo pepe. “A mu na zo lege ti sara ye kue”, me ye kue laa asara si Eglize amai pepe.

1 Korente 10:25

Ala lingbi ti te aye so kue a yeke ka na gara, me ala hunda nda ni pepe, ataa so ala yeke gi be ti ala.

1 Korente 10:31

Tongaso, ataa ala yeke te, ataa ala yeke nyon, ataa ye so kue ala yeke sara, ala sara ni kue ndali ti gonda ti Nzapa.

1 Korente 8:7

Me azo kue laa ahinga ye so pepe. Ambeni zo ayeke gue ando na peko ti anzapa nde ngbii asi fadeso. Nilaa ala ngba ti te akasa ti nyama so a ya na sandaga, ala baa ti ala atene a mu anyama so na anzapa nde. Ndali ti so tënë ti be ti ala ade ti kpengba pepe, ala baa ti ala atene, ala ga *sioni awe ndali ti nyama so ala te so.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 12:15

Ala sara hange si mbeni zo ado lege ti nzoni be ti Nzapa azia pepe. Alingbi mbeni zo aga tongana sengo gere ti pere ti ngonda pepe; mara ti zo tongaso ayeke bi wusuwusu na popo ti azo si lo yeke buba li ti ala.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.