Sofonii 3:17 - Mbeti ti Nzapa - Tënë so amu fini

¹⁷ KOTA GBIA, Nzapa ti mo ayeke na popo ti mo, lo yeke kpengba zo ti bira, lo yeke zo ti songo mo na kuâ. Tere ti lo anzere mingi ndali ti mo; na lege ti ndoye ti lo, lo yeke kiri ti bi tënë na li ti mo pepe. Lo yeke dodo, lo yeke dekongo na ngia ndali ti mo.

Sofonii 3:17 ပူးပေါင်းရင်းမြစ်များ

Tongo nda ti aye 1:31

Nzapa abaa aye so kue lo sara: aye ni ayeke nzoni mingi. Lakui ahon, ndaperere asi. Omene lango laa.

Tongo nda ti aye 17:1

Abram ayeke na ngu balegumbaya na gumbaya si KOTA GBIA asi na lo; lo tene na lo: “Mbi yeke Nzapa so ngangu ti mbi ahon angangu kue. Tambula na lege so mbi ye; mo sara aye ti mo kue gi na legeni.

Tongo nda ti aye 18:14

Mbeni ye ti kpene so KOTA GBIA alingbi ti sara pepe ayeke daa? Na ngu ti peko, gi na mara ti ngoi so e yeke daa so, na ndembe so mbi yeke kiri ti ga ge, Sara adu molenge-koli awe.”

Tongo nda ti aye 2:2

Na lango mbarambara ni, Nzapa ahunzi kua ti lo. Na lango mbarambara ni, Nzapa awu tere ti lo na peko ti kua so kue lo sara.

Abia (Psaumes) 147:11

Me be ti KOTA GBIA anzere na azo so ayeke kpe mbeto ti lo, ala so azia be ti ala ti ku titene lo sara nzoni be na ala.

Abia (Psaumes) 149:4

Biani, be ti KOTA GBIA anzere na azo ti lo; lo yeke soo asenge zo ti lo ti mu na ala nengo.

Abia (Psaumes) 78:65

Na pekoni, KOTA GBIA azingo na lango tongana zo so azingo na lango, tongana ngangu zo ti bira so samba ayapu lo.

Ésaïe 12:2

Baa, Nzapa, wasongo mbi laa; mbi zia be ti mbi na ndö ti lo, mbeto ayeke kiri ti sara mbi pepe. Biani, KOTA GBIA laa ayeke ngangu ti mbi, lo laa mbi yeke he bia na lo, lo laa lo soo mbi.”

Ésaïe 12:6

Ala, azo so alango na *Sion, ala dekongo na ngia, ala dodo na ngia, ngbanga ti so Nzapa ti Israel so ayeke na popo ti ala, lo yeke kota, lo yeke nde si lo yeke nzoni kue.

Ésaïe 18:4

Biani, tënë so *KOTA GBIA atene na mbi ayeke so: “Kâ na nduzu, na ndo so mbi yeke duti daa, mbi duti kpoo, mbi yeke baa ndo tongana ti so ndo amu wâ mingi na kota lâ, tongana ti so mbinda ti ngu ayeke na ndö ti pere na ngoi ti fango ale ti kobe.”

Ésaïe 63:1

Zo wa laa alondo na Edom, na li-kodro ti Bosra si lo yeke ga, abengba ye ayeke na tere ti bongo ti lo so? Lo yu kota bongo, lo suku kate ti lo si lo yeke tambula, lo hinga lo tene, ni yeke na ngangu. *KOTA GBIA atene: “Mbi laa! Mbi yeke ga ti fâ ngbanga mbirimbiri, mbi yeke na ngangu ti soo ala.”

Ésaïe 63:12

Na mbage ti maboko ti Moïse ti koli, lo yoro maboko ti lo ti ngangu; lo sara si ya ti ngu akangbi na dawa ti ala, lo sara tongaso titene azo agonda iri ti lo lakue lakue.

Ésaïe 65:19

Mbi nga, mbi yeke duti na ngia ndali ti Jérusalem, ngia ayeke si singo na be ti mbi ndali ti azo ti mbi. Zo ayeke kiri ti ma toto pepe wala dekongo pepe.

Ésaïe 9:6

Fade lengo-gbia ti lo ayeke mu ndo ti gue na ni, lo yeke mu siriri so ayeke hunzi pepe, lo yeke duti na ndö ti mbata ti gbia David si lo yeke le-gbia na kodro ti lo. Lo yeke sara titene kodro-gbia ni akpengba na lege ti sarango ye so ayeke na legeni nga na lege ti sarango ye ti mbirimbiri, ti to nda ni laso ti gue na ni ngbii kpu na kpu. Ye so KOTA GBIA so ayeke na ndö ti dunia kue ayeke sara na lege ti kota nzara ti be ti lo laa.

Jérémie 32:41

Fade ngia ti be ti mbi ayeke ti sara titene ala baa nzoni. Na be ti mbi kue nga na tere ti mbi kue, mbi yeke sara titene gere ti ala ali sese mbirimbiri na ya ti kodro.

Osée 14:4

Asirii alingbi ti soo e na kuâ pepe. Fade e yeke kiri ti ko na ndö ti mbarata ti bira pepe; ayanda so e sara na maboko ti e so, e yeke kiri ti iri ala ‘Nzapa ti e’ pepe. Gi mo Nzapa oko laa, mo yeke baa mawa ti nyindu.”

Joël 2:21

Sese, mo sara mbeto pepe, me mo dodo na ngia, mo duti na ngia, ngbanga ti so KOTA GBIA asara akota ye.

Sofonii 3:15

Ngbanga so *KOTA GBIA aye ti fâ na li ti ala so, lo zia ni awe; lo tumba awato ti ala yongoro awe. KOTA GBIA, gbia ti Israel, ayeke na popo ti ala, mbeni ye ti sioni ayeke kiri ti zia mbeto na be ti ala pepe.

Sofonii 3:5

Andaa KOTA GBIA ayeke na ya ti gbata ni, lo yeke mbirimbiri, lo yeke sara ye ti sioni pepe. Lakue na ndaperere, lo yeke fâ ngbanga polele; lo zia lege ni pepe. Ataa so kue, kamene ayeke sara zo ti sioni pepe.

Wungo ti azo 14:8

Tongana KOTA GBIA aye ti sara nzoni na e, fade lo yeke gue na e na ya ti kodro ni, lo yeke mu na e kodro ni, *kodro so ngu ti me ti bagara na mafuta ti wotoro asi singo daa.

Nzoni Tënë so Luc asu na mbeti 15:32

Me ayeke fade nzoni titene e sara matanga, e sara ngia, ngbanga ti so ita ti mo so akui awe si lo kiri na fini; lo girisa si e kiri e wara lo.’ ”

Jean 13:1

Angba lango oko titene *matanga ti Pake asi. Jésus ahinga so ngbonga ti lo ti zia dunia so ti kiri na Babâ alingbi awe. Azo ti lo so ayeke na dunia so, lo ye ala lakue, lo ye ala ngbii asi na ndani.

Jean 15:11

“Mbi tene tënë so na ala titene ngia ti mbi angba na be ti ala si ngia ti ala alingbi kue.

Ndia ti fani use ni 23:15

Alingbi ya ti bâbâ ti ala aduti nde si aduti nzoni kue, ngbanga ti so *KOTA GBIA Nzapa ti ala ayeke fono na ya ni ti bata ala, ti sara si ala hon ndö ti awato ti ala na bira. Tongana KOTA GBIA abaa mbeni ye ti kamene, fade lo yeke ngba na tere ti ala pepe.

Ndia ti fani use ni 30:9

KOTA GBIA Nzapa ti ala ayeke sara si aye so kue ala yeke sara aga nzoni. Lo yeke sara si ala du amolenge mingi; anyama ti ala ayeke du gbani gbani, akobe ti ayaka ti ala ayeke le gbani gbani. Biani, tongana ti so be ti KOTA GBIA anzere ti sara ando nzoni na akotara ti ala, fade be ti lo ayeke nzere ti sara nzoni na ala, azo ti Israel.

Ahebro 7:25

Ndani laa, azo so ayeke ga nduru na Nzapa na lege ti lo, lo yeke na ngangu ti soo ala biani biani, ngbanga ti so lo yeke ngba na fini lakue lakue ti sambela ndali ti ala.