Sofonii 3:16 - Mbeti ti Nzapa - Tënë so amu fini

¹⁶ Na lango ni so, fade a yeke tene na gbata ti Jérusalem: “Sion, sara mbeto pepe, be ti mo awoko pepe!

Sofonii 3:16 ပူးပေါင်းရင်းမြစ်များ

Mbeti ti Job 4:3

Baa, mo mu wango na azo mingi; mo hinga lani ti sara si azo so awoko mingi awara ngangu.

Ésaïe 25:9

Na lango ni so, fade azo ayeke tene: “*KOTA GBIA laa ayeke Nzapa ti e. E zia be ti e lani ti ku lo si lo soo e. KOTA GBIA laa e zia be ti e ti ku lo. Ayeke nzoni e duti na ngia, e dodo na ngia, ndali so lo soo e awe!

Ésaïe 40:9

Mo gbata ti *Sion, mo so mo yeke ga na nzoni tënë, mo ma na li ti kota hoto. Mo Jérusalem, mo so mo yeke ga na nzoni tënë, mo yo go ti mo na nduzu na ngangu ti mo kue. Mo yo go ti mo na nduzu, sara mbeto pepe. Tene na agbata ti Juda: “Baa, Nzapa ti ala laa!

Ésaïe 41:10

Mo sara mbeto pepe, ngbanga ti so mbi yeke na mo. Mo baa ndo na mbeto pepe, ngbanga ti so mbi yeke Nzapa ti mo. Mbi yeke sara titene mo kpengba, mbi yeke ga ti mu maboko na mo; biani, mbi yeke bata mo na lege ti maboko ti mbi ti koli so ayeke so benda.

Ésaïe 44:2

*KOTA GBIA so asara mo, lo so lo leke mo gi so mo de na ya ti mama ti mo, lo so lo yeke mu maboko na mo, tënë so lo tene ayeke so: Jacob, zo ti kua ti mbi, sara mbeto pepe, mo Yeshurun so mbi soro mo.

Ésaïe 54:4

Sara mbeto pepe, ngbanga ti so kamene ayeke kiri ti sara mo pepe. Sara kamene pepe, ngbanga ti so azo ayeke kiri ti zonga mo pepe. Kamene so ando mo ngba maseka si ayeke sara mo so, fade mo yeke girisa ni. So lani mo yeke wali-mua si azo ayeke zonga mo so, fade mo yeke girisa zongango ndo ni.

Joël 2:21

Sese, mo sara mbeto pepe, me mo dodo na ngia, mo duti na ngia, ngbanga ti so KOTA GBIA asara akota ye.

Zakarii 8:13

Ala, akodro-gbia ti Juda na ti Israel, na popo ti amara kue, ala yeke lani tapande ti mbeni mara so a deba lo. Me fadeso, mbi soo ala, ala yeke ga tapande ti mbeni mara so a sara tufa na ndö ti lo. Ala sara mbeto pepe, ala gbu ngangu!”

Zakarii 8:15

Ti fadeso, mbi leke na be ti mbi ti sara nzoni na ala, azo ti Jérusalem nga na ala, azo ti kodro ti Juda kue. Ala sara mbeto pepe!

Jean 12:12

Lango oko na pekoni, gba ti azo so aga na *matanga ti Pake ama a tene, Jésus ayeke ga na Jérusalem.

2 Korente 4:1

Nzapa asara nzoni be na e si lo mu na e kua ni so, nilaa be ti e awoko pepe.

Galasii 6:9

Be ti e awoko pepe na sarango nzoni ye, ndali ti so tongana ndembe ni alingbi si e ngba na lege ni, fade e yeke ko lengo ni.

Efeze 3:13

Tongaso, mbi hunda na ala: be ti ala awoko pepe ndali ti apasi so mbi yeke baa ndali ti ala; apasi ni ayeke ndali ti nzoni ti ala.

Ahebro 12:12

Ndani laa, ala yoro ya ti amaboko ti ala so awoko, ala sara si alikunu ti ala so awoko, akpengba!

Aye so Nzapa afa 2:3

Mo kanga be ti mo: mo baa pasi ndali ti mbi, be ti mo awoko pepe.