Sigingo 9:28 - Mbeti ti Nzapa - Tënë so amu fini

²⁸ Ala sambela KOTA GBIA titene sioni bekpa na pembe ti bekpa ni akai. Mbi yeke zia lege na ala ti gue; ala yeke kiri ti luti na ndo so pepe.”

Sigingo 9:28 ပူးပေါင်းရင်းမြစ်များ

1 Agbia 13:6

Gbia amu tënë si lo tene na zo ti Nzapa so, lo tene: “Mbi gbu gere ti mo, mo toto na KOTA GBIA, Nzapa ti mo titene ngonzo ti lo ade. Mo sambela lo ndali ti mbi titene mbi kiri na maboko ti mbi na tere ti mbi.” Zo ti Nzapa so asambela si ngonzo ti KOTA GBIA ade; gbia akiri na maboko ti lo na tere ti lo tongana ti kozoni.

Sigingo 10:17

Fadeso, ala kiri azi tënë na li ti mbi ti fani oko ni maa! Ala sambela KOTA GBIA, Nzapa ti ala titene lo zi mbi na ya ti kuâ so.”

Sigingo 10:24

Gbia Faraon airi Moïse si lo tene na lo: “Ala gue, avoro KOTA GBIA. Ala na asewa ti ala alingbi ti gue senge; me gi ye oko, ataba ti ala, angasa ti ala nga na abagara ti ala ayeke ngba na ndo so.”

Sigingo 10:8

A kiri aga na Moïse na Aaron na ndo ti Faraon si Faraon atene na ala: “Ala gue, avoro KOTA GBIA, Nzapa ti ala. Me zo wa laa aye ti gue, zo wa?”

Sigingo 11:1

KOTA GBIA atene na Moïse: “Mbi yeke tokua tanga ti kpale oko na ndö ti Faraon nga na ndö ti azo ti Ezipte. Na pekoni, lo yeke zia lege na ala ti gue, lo yeke tumba nga ala na ndo so biani biani.

Sigingo 8:25

Moïse akiri atene: “Gi so mbi yeke sigigi na ndo ti mo, fade mbi yeke sambela KOTA GBIA. Kekereke, fade asioni vuma ni ayeke hon yongoro na tere ti mo, na tere ti azo ti gbe ti mo nga na tere ti azo ti kodro ti mo. Gi ye oko, alingbi mo kiri mo handa e pepe, mo kanga lege na azo ti Israel pepe titene ala gue, amu sandaga na KOTA GBIA.”

Sigingo 8:28

Ataa so kue, Faraon akiri asara ngangu li si lo ke ti zia lege na azo ti Israel ti gue.

Sigingo 8:4

Faraon airi Moïse na Aaron si lo tene na ala: “Ala sambela KOTA GBIA titene lo zi akongba so na tere ti mbi nga na tere ti azo ti kodro ti mbi. Fade mbi yeke zia lege na azo ti Israel titene ala gue, aya *sandaga na KOTA GBIA.”

Sigingo 8:8

Moïse na Aaron alondo na ndo ti Faraon asigigi. Moïse atoto na KOTA GBIA ndali ti akongba so lo tokua ala na tere ti Faraon so.

Jérémie 21:2

“E gbu gere ti mo, mo hunda KOTA GBIA na tënë ti e! Baa, gbia Nabukodonosor ti Babilone alondo na bira na tere ti e; e hinga pepe, fade KOTA GBIA ayeke sara mbeni oko ti aye ti kpene ti lo ndali ti e, tongaso si gbia Nabukodonosor azia peko ti e.”

Wungo ti azo 21:7

Tanga ti azo ti Israel ague, awara Moïse si atene na lo: “E sara siokpari, e kasa KOTA GBIA, e kasa nga mo! Toto na KOTA GBIA titene lo zi angbo so yongoro na tere ti e.” Moïse atoto na KOTA GBIA ndali ti azo ti Israel.

Awatokua 8:24

Simon akiri tënë, atene: “Ala wani asambela Kota Gbia ndali ti mbi si sioni so ala tene tënë ni so asi na mbi pepe.”

1 Samuel 12:19

Azo ni kue atene na Samuel: “Sambela KOTA GBIA, Nzapa ti mo ndali ti e azo ti gbe ti mo si e kui pepe. Biani, na ndö ti asiokpari so kue e sara, e kiri e zia mbeni na ndö ni na lege ti so e hunda mbeni gbia.”