Sigingo 9:25 - Mbeti ti Nzapa - Tënë so amu fini

²⁵ Na ya ti kodro ti Ezipte kue, pembe ti bekpa atuku na ndö ti aye so kue ayeke na yaka, azo na anyama. Pembe ti bekpa ni abuba akugbe ti kasa ti yaka kue si akungbi akeke kue.

Sigingo 9:25 ပူးပေါင်းရင်းမြစ်များ

Abia (Psaumes) 78:47

Lo buba ayaka ti vinye ti ala na lege ti *apembe ti bekpa, lo buba akeke ti sikomor ti ala na lege ti ngangu de.

Abia (Psaumes) 78:48

Lo zia abagara ti ala si apembe ti bekpa afâ ala, lo zia ataba ti ala si bekpa afâ ala.

Sigingo 9:19

Fadeso, tokua ndo titene azo abongbi anyama ti mo na aye ti mo so kue ayeke na ngonda ti zia ala na ya ti da. Azo na anyama so kue angba na yaka si a kiri na ala na ya ti da pepe, fade apembe ti bekpa ni ayeke tuku na ndö ti ala si ala yeke kui.’ ”

Sigingo 9:24

Pembe ti bekpa atuku, bekpa asungba abongbi na pembe ti bekpa si atuku ngangu ngangu. Ngbene ye so Ezipte abaa gigi si aga mara, azo ti kodro ni ade ti baa mara ti tukungo ti pembe ti bekpa tongaso laoko pepe.

Sigingo 9:6

Lango oko na pekoni, KOTA GBIA asara ye ni: anyama kue ti azo ti Ezipte akui, me na popo ti anyama ti azo ti Israel, mbeni oko akui pepe.

Ezekiel 13:13

Ndani laa, tënë so mbi Kota Gbia NZAPA, mbi tene ayeke so: Na lege ti ngonzo ti mbi ti wâ, mbi yeke sara titene ngangu pupu ti ngu-Nzapa alondo; na lege ti ngonzo ti mbi, mbi yeke sara titene kota ngu-Nzapa apika si apembe ti bekpa atuku ti buba ye kue.

Josué 10:11

Na ndembe so ala yeke kpe na dawa ti azo ti Israel si ala londo na Bet-Horon ti zu na gbe ni, KOTA GBIA asara si angbongboro *pembe ti bekpa alondo na nduzu kâ atuku na ndö ti ala ngbii ala si na ni na Azeka si ala kui. Ala so apembe ti bekpa afâ ala ayeke mingi ahon ala so azo ti Israel afâ ala na yongoro zeme.