Sigingo 9:20 - Mbeti ti Nzapa - Tënë so amu fini

²⁰ Ambeni zo ti gbe ti Faraon asara mbeto ndali ti tënë so KOTA GBIA atene; tongaso ala bongbi azo ti kua ti ala na anyama ti ala na ya ti ada.

Sigingo 9:20 ပူးပေါင်းရင်းမြစ်များ

Sigingo 7:23

Faraon azia peko na ala, lo kiri na ndo ti lo si lo baa ye ni tongana senge ye na le ti lo.

Sigingo 9:21

Me ambeni abaa tënë ni tongana mbumbuse ye; ala zia azo ti kua ti ala na anyama ti ala na yaka.

Sigingo 9:6

Lango oko na pekoni, KOTA GBIA asara ye ni: anyama kue ti azo ti Ezipte akui, me na popo ti anyama ti azo ti Israel, mbeni oko akui pepe.

Amato 13:13

Zo so abaa wango tongana mbumbuse ye, lo yeke buba fini ti lo wani. Me zo so asara ye alingbi na atënë ti ndia, lo yeke wara nzoni ye ti pekoni.

Amato 16:16

Titene zo awara ndara, so laa ayeke nzoni ahon titene lo wara lôro ti nzoni ni. Titene zo awara hingango ndo, so laa ayeke nzoni ahon titene lo wara wen ti nginza.

Amato 22:23

Biani, fade KOTA GBIA ayeke gbu koko ti ala; azo so azi aye ti awayere na ti azo ti mawa ni so, fade KOTA GBIA ayeke zi fini ti ala.

Amato 22:3

Zo ti hango le, tongana lo baa sioni ye ayeke ga, lo yeke honde tere ti lo. Ti azo so le ti ala ahan pepe, ala yeke hon ti ala hongo; tongaso, ala yeke wara ye ti pekoni.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.