Sigingo 7:20 - Mbeti ti Nzapa - Tënë so amu fini

²⁰ Moïse na Aaron asara tongana ti so KOTA GBIA amu yanga na ala. Aaron ayoro keke ti lo na nduzu si na le ti Faraon na azo ti gbe ti lo, lo pika ngu ti Nil si ngu ni kue aga mene.

Sigingo 7:20 ပူးပေါင်းရင်းမြစ်များ

2 Agbia 4:29

Élisée atene na Gehazi: “Leke tere ti mo; mu keke ti mbi ti wayanga-Nzapa, mo gue! Tongana mo wara mbeni zo na lege, mo bara lo pepe. Tongana mbeni zo abara mo, mo yeda pepe. Fade mo yeke zia keke ti mbi na ndö ti le ti molenge-koli ni.”

Abia (Psaumes) 105:29

Lo sara si ngu aga mene si lo fâ asusu ti ya ti ngu ni.

Abia (Psaumes) 78:44

lo sara si amaboko ti akota ngu ti ala na angu ti ala so ayeke sua aga mene, azo ti Ezipte alingbi ti nyon ni pepe.

Sigingo 4:9

Tongana ala ke ti yeda na aye ti kpene use so, tongana ala ma yanga ti mo pepe, fade mo to ngu ti Nil, mo tuku na ndö ti kuru sese. Fade ngu ni ayeke ga mene na ndö ti kuru sese ni.”

Sigingo 7:10

Moïse na Aaron ague na ndo ti Faraon si ala sara ye ni gi tongana ti so KOTA GBIA amu yanga na ala. Aaron abi keke ti lo na dawa ti Faraon nga na dawa ti azo ti gbe ti lo si keke ni aga ngbo.

Sigingo 7:21

Asusu ti ya ti bale ni akui, ngu ni afun si azo ti Ezipte alingbi ti nyon ni pepe. Mene amu ya ti kodro ti Ezipte kue.

Sigingo 7:6

Moïse na Aaron asara ye ni tongaso; ala sara ye ni alingbi gi na yanga so KOTA GBIA amu na ala.

Habakuk 3:8

KOTA GBIA, be ti mo aso na tere ti akota ngu? Ngonzo ti mo alondo na tere ti akota ngu? Ngonzo ti mo ti wâ alondo na tere ti kota ngu-ingo? Tongana mo ko na ndö ti ambarata ti mo, apusu ti mbarata ti mo ayeke gue na mo ti so benda.

Aye so Nzapa afa 8:8

Use ange ni ahuru tatalita ti lo. A mu mbeni ye so akpa kota hoto so ayeke gbi, a bi ni na ya ti kota ngu-ingo. Mbeni mbage oko na popo ti ambage ota ti kota ngu-ingo ni kue aga mene.