Sigingo 6:29 - Mbeti ti Nzapa - Tënë so amu fini

²⁹ lo tene na lo: “Mbi laa mbi yeke KOTA GBIA! Atënë so kue mbi tene na mo so, gue, mo tene peko ni na Faraon, gbia ti Ezipte.”

Sigingo 6:29 ပူးပေါင်းရင်းမြစ်များ

Sigingo 6:11

“Gue mo tene tënë na Faraon, gbia ti Ezipte, titene lo zia lege na azo ti Israel ti sigigi na ya ti kodro ti lo.”

Sigingo 6:2

Nzapa akiri atene na Moïse: “Mbi laa mbi yeke KOTA GBIA.

Sigingo 6:28

Na lango so KOTA GBIA atene tënë na Moïse na kodro ti Ezipte,

Sigingo 6:6

Ndani laa, fade mo yeke tene na azo ti Israel, mo tene: ‘Mbi laa mbi yeke KOTA GBIA. Mbi yeke zi ala na gbe ti akua ti ngbaa ti Ezipte; mbi yeke zi ala na gbe ti ngbaa so azo ti Ezipte azia ala daa. Mbi yeke yoro maboko ti mbi si mbi yeke fâ ngbanga ti ngangu na ndö ti azo ti Ezipte si mbi yeke zi ala, azo ti Israel.

Sigingo 6:8

Na pekoni, mbi yeke sara titene ala li na ya ti kodro so mbi deba yanga ti mbi ti mu na Abraham, na Isaac nga na Jacob. Mbi yeke mu kodro ni na ala, azo ti Israel titene aga ti ala. Mbi laa mbi yeke KOTA GBIA!’ ”

Sigingo 7:2

Atënë so kue mbi mu yanga na mo daa, fade mo yeke tene ni na Aaron, ita ti mo. Na pekoni, lo laa lo yeke tene peko ni na Faraon titene Faraon azia lege na azo ti Israel ti sigigi na ya ti kodro ti lo.

Jérémie 23:28

Tongana mbeni wayanga-Nzapa abaa li ti lo, lo tene peko ni na azo ma! Me tongana lo wara mbeni tënë so alondo na yanga ti mbi, ayeke nzoni lo tene ni kue na legeni! Aporo ti le ti kobe na ale ti kobe alingbi tere? So tënë ti yanga ti KOTA GBIA laa.

Jérémie 26:2

“Tënë so KOTA GBIA atene ayeke so: Gue mo luti na ya ti gbagba ti kota da ti KOTA GBIA, mo to mbela na tënë so na azo so kue alondo na ya ti agbata ti Juda si aga ti voro Nzapa na ya ti kota da so. Mo tene na ala atënë so kue mbi mu yanga na mo ti tene; mo zi mbeni tënë oko na ya ni pepe.

Ezekiel 3:11

Na pekoni, mo gue, mo baa a-ita ti mo, amolenge ti azo ti mara ti mo so a gbu ala, a ga na ala ge so. Mo tene tënë na ala, ataa ala ma mo, ataa ala ma mo pepe, mo tene na ala, mo tene: ‘Tënë so Kota Gbia NZAPA atene ayeke so.’ ”

Ezekiel 3:17

“Molenge ti zo, mbi zia mo sanziri ndali ti azo ti Israel. Tongana mo ma mbeni tënë na yanga ti mbi, fade mo yeke gboto mê ti ala na iri ti mbi.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Awatokua 20:27

Biani, aye so kue Nzapa aleke na be ti lo so, mbi fa na ala awe, mbi honde ye oko pepe.