Sigingo 6:27 - Mbeti ti Nzapa - Tënë so amu fini

²⁷ Moïse na Aaron laa atene tënë na Faraon, gbia ti Ezipte titene lo zia lege na azo ti Israel ti sigigi na ya ti kodro ti lo.

Sigingo 6:27 ပူးပေါင်းရင်းမြစ်များ

Abia (Psaumes) 105:26

Tongaso lo tokua Moïse, zo ti kua ti lo nga na Aaron so lo soro lo.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Sigingo 33:1

KOTA GBIA atene na Moïse: “Londo na ndo so, mo gue, mo na azo so mo zi ala na sese ti Ezipte, mo sigigi na ala so. Ala gue na sese so mbi deba yanga ti mbi na Abraham, Isaac na Jacob ti mu na *ahale ti ala so.

Sigingo 6:13

Tongaso KOTA GBIA amu yanga na Moïse na Aaron ti gue ti tene tënë na azo ti Israel nga na Faraon, gbia ti Ezipte; tongaso si azo ti Israel alingbi ti sigigi na kodro ti Ezipte.

Sigingo 6:26

Aaron na Moïse laa KOTA GBIA amu yanga na ala, atene: “Ala zi azo ti Israel asigigi na Ezipte, na lege ti molongo ti amara ti ala oko oko.”

Sigingo 6:28

Na lango so KOTA GBIA atene tënë na Moïse na kodro ti Ezipte,

Sigingo 7:10

Moïse na Aaron ague na ndo ti Faraon si ala sara ye ni gi tongana ti so KOTA GBIA amu yanga na ala. Aaron abi keke ti lo na dawa ti Faraon nga na dawa ti azo ti gbe ti lo si keke ni aga ngbo.

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Josué 24:5

Aninga na pekoni, mbi tokua Moïse na Aaron si mbi sara si akpale nde nde ati na ndö ti azo ti Ezipte. Na pekoni, mbi sara si ala azo ti Israel, ala londo na Ezipte, ala sigigi.

1 Samuel 12:6

Samuel akiri atene na azo ni: “KOTA GBIA ama ala awe, lo so airi ando Moïse na Aaron ti mu akotara ti ala na sese ti Ezipte si asigigi na ala.