Sigingo 6:26 - Mbeti ti Nzapa - Tënë so amu fini

²⁶ Aaron na Moïse laa KOTA GBIA amu yanga na ala, atene: “Ala zi azo ti Israel asigigi na Ezipte, na lege ti molongo ti amara ti ala oko oko.”

Sigingo 6:26 ပူးပေါင်းရင်းမြစ်များ

Tongo nda ti aye 2:1

Tongaso laa Nzapa ahunzi ti sara yayu, na sese na aye ti ala so kue ayeke mingi mingi.

1 Mbai 6:3

Amolenge ti Kehat ayeke Amram, Isar, Hebron na Uziel.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Abia (Psaumes) 99:6

Moïse na Aaron ayeke ando na popo ti awayango-sandaga ti lo; Samuel ayeke ando na popo ti azo so adi iri ti KOTA GBIA si lo yeke kiri tënë na ala.

Sigingo 12:17

“Fade ala yeke bata lango ti matanga ti Mapa so a sara na mama ni pepe so, ngbanga ti so na lango ni so laa mbi sara si ala sigigi na kodro ti Ezipte, na lege ti molongo ti mara ti ala. Ala yeke bata lango so ngu na ngu; ndia so ayeke ngba ngu na ngu ndali ti *ahale ti ala ti angoi kue.

Sigingo 12:41

Na peko ti ngu ngbangbo osio na baleota so, taa gi na lango ni so, azo ti KOTA GBIA asigigi na ya ti kodro ti Ezipte na lege ti molongo ti amara ti ala.

Sigingo 12:51

Taa gi na lango ni so, KOTA GBIA azi azo ti Israel na kodro ti Ezipte asigigi na ala na lege ti molongo ti amara ti ala.

Sigingo 13:18

Ndani laa Nzapa asara si azo ti Israel amu lege so ague na benyama, na mbage ti kota ngu-ingo ti Asosongo. Ala londo na Ezipte na aye ti bira ti ala kue na tere ti ala si ala gue.

Sigingo 20:2

“Mbi laa mbi yeke KOTA GBIA, Nzapa ti mo; mbi laa mbi sara si mo sigigi na Ezipte, ndo so lani mo yeke ngbaa daa.

Sigingo 32:1

So azo ti Israel abaa so Moïse angba ti ninga na li ti hoto, lo de ti zu pepe, ala bongbi na tere ti Aaron si ala tene na lo: “Londo, mo sara na e mbeni nzapa so ayeke mu dawa ti e! Biani Moïse, koli so asara si e sigigi na kodro ti Ezipte so, e hinga ye so asi na lo pepe.”

Sigingo 32:11

Me Moïse avoro tere ti lo na KOTA GBIA, Nzapa ti lo, atene: “KOTA GBIA, azo ti mo so, na lege ti kota ngangu ti mo nga na lege ti ngangu ti maboko ti mo, mo sara si ala sigigi na kodro ti Ezipte so, ngbanga ti nyen si mo ye ti tuku ngonzo ti mo ti wâ na ndö ti ala?

Sigingo 32:7

Tongaso KOTA GBIA atene na Moïse: “Zu hio si! Biani, azo ti mo so mo zi ala na Ezipte, mo sigigi na ala so, ala buba lege ti ala awe.

Sigingo 6:13

Tongaso KOTA GBIA amu yanga na Moïse na Aaron ti gue ti tene tënë na azo ti Israel nga na Faraon, gbia ti Ezipte; tongaso si azo ti Israel alingbi ti sigigi na kodro ti Ezipte.

Sigingo 6:20

Amram amu omba ti lo Yokebed ti ga wali ti lo. Lo na Yokebed adu Aaron na Moïse. Amram asara ngu ngbangbo oko na baleota na mbarambara na ndö ti gigi.

Sigingo 6:7

Mbi yeke sara titene ala, azo ti Israel, ala ga azo ti mbi si mbi yeke duti Nzapa ti ala. Ala yeke hinga atene, mbi laa mbi yeke KOTA GBIA, Nzapa ti ala, lo so lo zi ala na gbe ti angangu kua ti Ezipte.

Sigingo 7:4

Me lo yeke ma ala pepe. Tongaso, mbi yeke fâ ngbanga ti ngangu na ndö ti azo ti Ezipte si mbi yeke zi azo ti mbi, azo ti Israel, na kodro ti Ezipte ti sigigi na ala na lege ti molongo ti amara ti ala oko oko.

Mishe 6:4

Mbi mu ando ala na sese ti Ezipte, mbi sigigi na ala; mbi zi ala na gbe ti ngbaa si mbi tokua Moïse, Aaron na Miriam ti fa na ala lege. So sioni laa mbi sara so?

Wungo ti azo 33:1

So ayeke akapa ti tambula ti azo ti Israel, ngbene ye so ala londo na Ezipte na lege ti amolongo ti ala, na gbe ti komandema ti Moïse na Aaron.

Josué 24:5

Aninga na pekoni, mbi tokua Moïse na Aaron si mbi sara si akpale nde nde ati na ndö ti azo ti Ezipte. Na pekoni, mbi sara si ala azo ti Israel, ala londo na Ezipte, ala sigigi.

1 Samuel 12:6

Samuel akiri atene na azo ni: “KOTA GBIA ama ala awe, lo so airi ando Moïse na Aaron ti mu akotara ti ala na sese ti Ezipte si asigigi na ala.

1 Samuel 12:8

So Jacob asi lani na Ezipte, akotara ti ala atoto na KOTA GBIA. KOTA GBIA atokua Moïse na Aaron ti sara si akotara ti ala asigigi na sese ti Ezipte, ti zia ala na ya ti kodro so.