Sigingo 6:20 - Mbeti ti Nzapa - Tënë so amu fini

²⁰ Amram amu omba ti lo Yokebed ti ga wali ti lo. Lo na Yokebed adu Aaron na Moïse. Amram asara ngu ngbangbo oko na baleota na mbarambara na ndö ti gigi.

Sigingo 6:20 ပူးပေါင်းရင်းမြစ်များ

1 Mbai 23:13

Amolenge ti Amram ayeke Aaron na Moïse. A zia Aaron nde, lo na *ahale ti lo titene ala sara kua na ndo so ayeke nde si ayeke nzoni kue ahon atanga ni kpu na kpu. Kua ti ala ayeke ti zö dukani na dawa ti KOTA GBIA, ti sara kua ti Nzapa na ti sara tufa na ndö ti azo na iri ti KOTA GBIA kpu na kpu.

Sigingo 6:16

Iri ti amolenge ti Lévi ti koli na lege ti *ahale ti ala ayeke so: Gershon, Kehat na Merari. Lévi asara ngu ngbangbo oko na baleota na mbarambara na ndö ti gigi.

Sigingo 6:18

Amolenge ti Kehat ti koli ayeke so: Amram, Isar, Hebron na Uziel. Kehat asara ngu ngbangbo oko na baleota na ota na ndö ti gigi.

Wungo ti azo 26:58

Na ya ti akete mara ti Lévi, ambeni kete kete mara ayeke so: kete mara ti Libni, ti Hebron, ti Mali, ti Mushi nga na ti Kore. Kehat adu Amram.

Wungo ti azo 26:59

Amram amu mbeni wali so iri ti lo Yokebed, molenge ti Lévi; a du Yokebed na Ezipte. Yokebed adu amolenge ota na Amram: Aaron, Moïse na ita ti ala ti wali Miriam.

Wungo ti azo 3:1

So ayeke tënë ti sewa ti Aaron na ti Moïse na ngoi so *KOTA GBIA atene tënë na Moïse na li ti hoto ti Sinai.

Josué 21:4

A bi mbeni ye ti baa lege so alingbi ti kangbi agbata ni na ala. Ye ni afa azo ti kete mara ti Kehat so ayeke na popo ti azo ti mara ti Lévi. Na popo ti azo ti mara ti Lévi ni, *ahale ti wayango-sandaga Aaron awara ti ala agbata baleoko na ota na lege ti bingo ye ni. Agbata ni ayeke na sese ti Juda, ti Siméon na ti Benjamin.