Sigingo 40:33 - Mbeti ti Nzapa - Tënë so amu fini

³³ Moïse asara gbagba na tere ti da so Nzapa ayeke duti daa nga na tere ti gbalaka ni si lo zia ridoo na yanga ti gbagba ni. Lege so Moïse ahunzi akua ni kue laa.

Sigingo 40:33 ပူးပေါင်းရင်းမြစ်များ

1 Agbia 6:14

Na peko ti yanga so Salomon amu, a sara kota da ti Nzapa ahunzi awe.

1 Agbia 6:9

Ti hunzi sarango kota da ti Nzapa, a mu ambeni yongoro keke ti sedre nga na ambeni keke ti sedre so le ni akono konongo si a pika na plafon ti da ni.

Sigingo 39:32

Lege so akua kue ti sarango da so Nzapa ayeke duti daa, da ti bongo so Nzapa na azo ti lo ayeke wara tere daa ahunzi na ni laa. Azo ti Israel asara ye ni alingbi gi na yanga so KOTA GBIA amu lani na Moïse.

Sigingo 40:32

Lakue tongana ala yeke li na ya ti da ti bongo so Nzapa na azo ti lo ayeke wara tere daa, wala tongana ala yeke gue nduru na tere ti gbalaka ni, ala yeke sukula tere ti ala alingbi na yanga so KOTA GBIA amu lani na Moïse.

Sigingo 40:8

Mo yeke zia abongo ni na tere ti gbagba ti ndo so ayeke nde si ayeke nzoni kue si mo yeke kanga ridoo ni na yanga ti gbagba ni.

Zakarii 4:9

“Zorobabel laa alu agere ti kota da ni, lo laa lo yeke hunzi kua ti da ni.” Tongana ye ni asi, fade ala yeke hinga atene, KOTA GBIA so ayeke na ndö ti dunia kue laa atokua mbi na ala.

Wungo ti azo 1:50

Fade mo yeke mu na azo ti mara ti Lévi kua ti batango da so a zia nde ndali ti Nzapa, da so a yeke bata atêne so a su atënë ti *mbuki na le ni nga na akungba ti ya ti da ni kue. Ala yeke yo da ni na akungba ti ya ni kue, ala yeke sara kua na ya ti da ni si ala yeke sara bâbâ ti ala angoro da ni kue.

Matthieu 16:8

Jésus ahinga tënë so ala yeke tene na popo ti ala si lo hunda ala, lo tene: “Ala azo ti kete mabe, tënë ti nyen laa ala yeke tene na popo ti ala na ndö ti tënë ti mapa so ala yeke na ni pepe so?

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

Jean 4:34

Jésus atene na ala: “Kobe ti mbi ayeke ti sara ye so be ti lo so atokua mbi aye, ti hunzi kua so lo mu na mbi ti sarango ni.

1 Korente 12:12

Tere ti zo ayeke oko, me ambage ti tere ni ayeke mingi. Ataa so ambage ti tere ti zo ayeke mingi, ala kue abongbi aga gi tere oko. Ti Christ, ye ni ayeke nga gi tongaso.

1 Korente 12:28

Tongaso, lege so Nzapa azia azo na ya ti *Eglize laa: kozoni, lo zia *awatokua; use ni, lo zia awayanga-Nzapa; ota ni, lo zia awafango-ye; na pekoni, lo zia azo so lo mu na ala matabisi ti sarango aye ti kpene, ti kaingo kobela, ti mungo maboko na amba ti ala, ti dutingo na li ti amba ti ala, ti tenengo tënë na ayanga nde nde so ala hinga ni pepe.

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

2 Timothée 4:7

Mbi tiri nzoni bira na legeni, mbi si na nda ti lege ni awe, mbi bata lege ti mabe.