Sigingo 40:20 - Mbeti ti Nzapa - Tënë so amu fini

²⁰ Na pekoni, lo mu atêne so a su atënë ti ndia na le ni, lo zia na ya ti sanduku. Lo yoro ayongoro keke na ya ti *akati so ayeke na tere ti sanduku ni si lo zia ye ti kangango na yanga ni na ndö ni.

Sigingo 40:20 ပူးပေါင်းရင်းမြစ်များ

1 Agbia 8:9

Mbeni ye nde ayeke na ya ti sanduku ni pepe, gi akpangbara têne use so Moïse awara lani na ndö ti hoto ti Horeb. Lo zia atêne ni na ya ti sanduku ni na ndembe so KOTA GBIA asara mbuki na azo ti Israel, na peko ti so lo sara si ala sigigi na sese ti Ezipte.

1 Mbai 15:3

David abongbi azo ti Israel kue na Jérusalem titene ala mu sanduku ti mbuki ni ague na ni na ndo so lo leke ndali ni.

2 Mbai 5:10

Mbeni ye nde ayeke na ya ti sanduku ni pepe, gi akpangbara têne use so Moïse awara lani na ndö ti hoto ti Horeb. Lo zia akpangbara têne ni ya ti sanduku ni na ndembe so KOTA GBIA asara mbuki na azo ti Israel, na peko ti so lo sara si ala sigigi na sese ti Ezipte.

Abia (Psaumes) 40:8

Nilaa mbi tene: “Baa, mbi yeke ga; na ya ti mbeti ti *Ndia, a su tënë ti ye so mbi lingbi ti sara.”

Sigingo 16:34

Aaron asara ye alingbi na yanga so KOTA GBIA amu lani na Moïse: lo zia ta ni na dawa ti atêne so a su atënë ti mbuki na le ni.

Sigingo 26:34

Na ndo so ayeke nde si ayeke nzoni kue ahon atanga ni so, fade ala yeke zia ye ti kangango na yanga ti sanduku ti mbuki ni daa.

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 40:19

Lo gbara abongo na li ti da ni; na pekoni, lo zia na ndö ni ye ti kangango na ndö ti da ni alingbi na yanga so KOTA GBIA amu lani na Moïse.

Sigingo 40:3

Mo yeke zia na ya ti da ni sanduku so a zia na ya ni atêne so a su atënë ti mbuki na le ni; mo yeke honde ni na peko ti ridoo so akangbi ya ti da ni.

Matthieu 3:15

Me Jésus akiri tënë na lo: “Ti fadeso, ayeke nzoni e sara tongaso si e lingbi ti sara ye so kue ayeke mbirimbiri na le ti Nzapa.” Tongaso Jean ayeda.

Rome 10:4

Biani, Christ asara si *Ndia ti Moïse asi na nda ni, tongaso si azo so kue ama na be, ala ga mbirimbiri na le ti Nzapa.

Rome 3:25

Nzapa amu Jésus Christ na *sandaga si na lege ti mene ti lo, Christ azi siokpari ti azo so ama na be. Nzapa asara so ti fa atene, lo yeke mbirimbiri: asiokpari so azo asara ando, lo fâ ngbanga na li ti ala ndali ni pepe

Ndia ti fani use ni 10:5

Mbi kiri mbi londo na li ti hoto ni, mbi zu; mbi zia atêne ni na ya ti sanduku so mbi leke ni so. Akpangbara têne ni angba na ya ni, alingbi na yanga so KOTA GBIA amu lani na mbi. –

Ahebro 4:16

Tongaso, e gue nduru na tere ti mbata ti Gbia Nzapa na mbeto pepe, titene lo baa mawa ti e, lo sara nzoni be na e si lo mu na e maboko na ndembe so alingbi.

Ahebro 9:4

Na ndo ni so, gbalaka ti zongo dukani ayeke daa so ala leke ni na lôro. Sanduku ti mbuki so ala leke tere ni kue na lôro ayeke nga daa. Ta ti lôro so *mane ayeke na ya ni, keke ti Aaron so akongo asigigi na tere ni nga na akpangbara têne so a su atënë ti mbuki na ndö ni ayeke na ya ti sanduku ni.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.