Sigingo 40:15 - Mbeti ti Nzapa - Tënë so amu fini

¹⁵ Mo yeke tuku mafuta na li ti ala tongana ti so mo sara na babâ ti ala titene ala sara kua na mbi tongana awayango-sandaga. Tongaso, mafuta so mo tuku na li ti ala so ayeke mu lege na ala ti sara kua ti wayango-sandaga ngu na ngu, kpu na kpu.”

Sigingo 40:15 ပူးပေါင်းရင်းမြစ်များ

Abia (Psaumes) 110:4

KOTA GBIA adeba yanga ti lo, lo tene: “Mo yeke duti wayango-sandaga kpu na kpu tongana ti Melkisedeke.” KOTA GBIA ayeke kiri na ndö ti tënë ti lo pepe.

Sigingo 12:14

“Fade lango ni so ayeke duti lango ti dango be. Ala yeke sara kota matanga ndali ti mbi, KOTA GBIA: matanga ni ayeke duti mbeni ndia so ayeke ngba ngu na ngu ndali ti *ahale ti ala ti angoi kue.”

Sigingo 28:41

“Ti mo Moïse, mo yeke yu abongo ni so na Aaron, ita ti mo nga na amolenge ti lo. Mo yeke tuku mafuta na li ti ala si mo yeke zia ala ti sara kua na mbi. Na lege so laa mo yeke zia ala nde titene ala sara kua na mbi tongana awayango-sandaga.

Sigingo 29:9

Mo yeke kanga kamba na ndö ti bongo ti Aaron na amolenge ti lo. Mo yeke zia kpoto na li ti ala ti fa atene, kua ti wayango-sandaga aga ti ala kpu na kpu. “Lege so mo yeke zia Aaron na amolenge ti lo ti to nda ti kua ti ala laa.

Sigingo 30:31

“Fade mo yeke tene na azo ti Israel: ‘So ayeke mafuta ti tukungo na li ti azo nga na tere ti aye ti zia ala nde. Mafuta so ayeke ngba ti sara na kua ti mbi ngu na ngu.

Sigingo 30:33

Zo so atara ti sara mara ti mafuta so si lo zia ni na tere ti mbeni senge zo, fade a yeke tumba lo na ya ti bongbi ti azo.’ ”

Sigingo 40:14

Mo yeke mu amolenge ti Aaron ti koli, mo ga na ala si mo yeke yu ala na abongo ti ala.

Sigingo 40:16

Moïse asara ye kue alingbi gi na yanga so KOTA GBIA amu na lo.

Zakarii 4:14

Tongaso lo tene na mbi: “Akeke ti olive ni ayeke akoli so a tuku mafuta na li ti ala si a zia ala nde ndali ti kua ti KOTA GBIA, lo so lo yeke Makonzi ti sese kue.”

Wungo ti azo 25:13

Mbuki ni ayeke ndali ti lo na *ahale ti lo, ayeke mu lege na ala ti sara kua ti wayango-sandaga kpu na kpu. Mbi sara mbuki, ngbanga ti so tënë ti aye ti mbi Nzapa, agbu be ti lo mingi si lo sara nga ye so azi siokpari na li ti azo ti Israel awe.”

Ahebro 7:3

Babâ ti lo na mama ti lo ayeke daa pepe, akotara ti lo ayeke nga daa pepe. Zo ahinga lango ti dungo lo wala lango ti kuâ ti lo pepe. Lo yeke tongana Molenge ti Nzapa: lo yeke sara kua ti wayango-sandaga kpu na kpu.

Ahebro 7:7

Andaa kota zo laa ayeke sara tufa na ndö ti zo so ayeke na gbe ti lo; so kite ni ayeke daa pepe.