Sigingo 40:14 - Mbeti ti Nzapa - Tënë so amu fini

¹⁴ Mo yeke mu amolenge ti Aaron ti koli, mo ga na ala si mo yeke yu ala na abongo ti ala.

Sigingo 40:14 ပူးပေါင်းရင်းမြစ်များ

Sigingo 29:8

Fade mo yeke mu amolenge ti Aaron, mo ga na ala si mo yeke yu ti ala abongo ni na ala.

Sigingo 40:13

Na pekoni, mo yeke yu Aaron na abongo ti lo ti wayango-sandaga, mo yeke tuku mafuta na li ti lo ti zia lo nde titene lo sara kua na mbi tongana wayango-sandaga.

Sigingo 40:15

Mo yeke tuku mafuta na li ti ala tongana ti so mo sara na babâ ti ala titene ala sara kua na mbi tongana awayango-sandaga. Tongaso, mafuta so mo tuku na li ti ala so ayeke mu lege na ala ti sara kua ti wayango-sandaga ngu na ngu, kpu na kpu.”

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Awayango-sandaga 8:13

Na pekoni, Moïse aga na amolenge ti Aaron; lo yu na ala akota bongo, lo kanga kamba na ndö ti abongo ni, lo zia kpoto na li ti ala alingbi na yanga so KOTA GBIA amu.

Jean 1:16

Biani, anzoni ye asi singo na lo, e kue, e wara ni na lege ti nzoni be ti lo na peko ti tere, na peko ti tere.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 8:30

Azo so Nzapa aleke ye so kozoni na be ti lo ndali ti ala, lo iri nga ala, ala so lo iri ala, lo sara si ala ga nga mbirimbiri, ala so lo sara si ala ga mbirimbiri, lo gonda nga ala.

1 Korente 1:30

Me Nzapa asara si ala, a-ita, ala ga oko na Jésus Christ si lo sara titene Christ aga ndara ti e. Na lege ti Christ, Nzapa asara si e ga mbirimbiri na le ti lo, e ga azo so ayeke duti nde ndali ti so lo laa lo zi e na ya ti siokpari.

1 Korente 1:9

Nzapa ayeke sara ye alingbi na tënë ti yanga ti lo: lo laa lo iri e titene e duti na beoko na Molenge ti lo Jésus Christ, Kota Gbia ti e.