Sigingo 39:7 - Mbeti ti Nzapa - Tënë so amu fini

⁷ Ala zia atêne ni na tere ti akamba ti ndö ti go ti efod ni. Atêne ni aga mbeni ye ti dango be ndali ti amara baleoko na use ti Israel, alingbi na yanga so KOTA GBIA amu lani na Moïse.

Sigingo 39:7 ပူးပေါင်းရင်းမြစ်များ

Néhémie 2:20

Mbi kiri tënë na ala: “Nzapa ti yayu wani laa ayeke sara titene kua ni aga nzoni. E yeke azo ti kua ti lo, e yeke londo ti kiri ti leke gbata ni. Me ti ala, mbeni ye ti ala oko ayeke na ya ti gbata ni pepe, ala yeke nga na komandema na ya ti gbata ni pepe. Zo ayeke kiri ti dabe ti lo na ala pepe!”

Sigingo 28:12

Mo yeke zia atêne use so na tere ti akamba ti ndö ti go ti efod ni. Atêne ni ayeke ga mbeni ye ti dango be ndali ti amara baleoko na use ti Israel. Tongaso, fade Aaron ayeke yo na ndö ti go ti lo iri ti ala ti gue na ni na dawa ti mbi KOTA GBIA. Ti mbi KOTA GBIA, mbi yeke dabe ti mbi na ala lakue.

Sigingo 28:29

“Tongaso, tongana Aaron ayeke li na ya ti da so ayeke nde si ayeke nzoni kue, fade lo yeke yu bozo ti fango ngbanga so na kate ti lo. A su iri ti amara baleoko na use ti Israel na ndö ti bozo ni. Na lege so, fade mbi KOTA GBIA, mbi yeke dabe ti mbi na ala lakue.

Sigingo 28:7

Fade ala yeke fu akamba use na yanga ti efod ni ti kanga na ni na ndö ti go.

Marc 14:9

Mbi tene na ala taa-tënë: na ndo so kue azo ayeke fa ande Nzoni Tënë daa, na ndö ti dunia kue, azo ayeke fa tënë ti ye so wali so asara si azo adabe ti ala na lo.”

Josué 4:7

Fade ala kiri tënë na ala, atene: ‘Ya ti ngu ti Jourdain akangbi use na ndembe so sanduku ti mbuki ti KOTA GBIA ayeke hon lani na ya ni. Na ndembe so sanduku ti mbuki ni ayeke hon na ya ti ngu ni, ya ti ngu ni akangbi use. Atêne so ayeke ga ande ye ti dango be ndali ti azo ti Israel kpu na kpu.’ ”