Sigingo 39:32 - Mbeti ti Nzapa - Tënë so amu fini

³² Lege so akua kue ti sarango da so Nzapa ayeke duti daa, da ti bongo so Nzapa na azo ti lo ayeke wara tere daa ahunzi na ni laa. Azo ti Israel asara ye ni alingbi gi na yanga so KOTA GBIA amu lani na Moïse.

Sigingo 39:32 ပူးပေါင်းရင်းမြစ်များ

1 Agbia 6:38

Na ya ti ngu baleoko na oko ni, na nze ti Bul, so ti tene na nze miombe ni laa akua ti kota da ti KOTA GBIA kue ahunzi; mbeni ye oko so angba ti lekengo ni ayeke daa pepe. Salomon asara kota da ni na ya ti ngu mbarambara.

1 Agbia 7:40

Hiram aleke asembe, apao na adu ti sembe so a yeke tuku mene daa ti fi na tere ti aye. Lo hunzi kua ti aye so kue gbia Salomon ahunda na lo ti sarango ni ndali ti kota da ti *KOTA GBIA. Akua ni ayeke tongaso:

1 Mbai 28:19

Tongaso David atene: “Aye so kue ayeke na ya ti mbeti so mbi wara na maboko ti KOTA GBIA; mbeti so afa akode oko oko ti sarango na aye ni.”

Sigingo 12:28

Na pekoni, ala kiri si ala to nda ti sara ye ni; ala sara ni alingbi gi na yanga so KOTA GBIA amu lani na Moïse na Aaron.

Sigingo 25:40

Moïse, mo baa ye ni nzoni, fade mo yeke sara kue ti sara ye ni alingbi gi na kode so mbi fa na mo na li ti hoto so.”

Sigingo 31:7

da ti bongo so mbi na azo ti mbi e yeke wara tere daa, sanduku so a zia na ya ni atêne so a su atënë ti mbuki na le ni, ye ti kangango na yanga ti sanduku ni, agbakuru ti da ni kue,

Sigingo 39:31

Ala mu kamba so nzoroko ni akpa le ti nduzu, ala kanga na palata ni na ndö ti bongo so a yeke kanga na li tongana kpoto, alingbi na yanga so KOTA GBIA amu lani na Moïse.

Sigingo 39:33

Ala mu aye ti da ni ague na ni na Moïse: – da ti bongo na agbakuru ni: *kongi ni, *amabaya ni, alate ni, angbongboro keke ni na agere ni;

Sigingo 40:1

KOTA GBIA atene na Moïse:

Sigingo 40:3

Mo yeke zia na ya ti da ni sanduku so a zia na ya ni atêne so a su atënë ti mbuki na le ni; mo yeke honde ni na peko ti ridoo so akangbi ya ti da ni.

Sigingo 40:32

Lakue tongana ala yeke li na ya ti da ti bongo so Nzapa na azo ti lo ayeke wara tere daa, wala tongana ala yeke gue nduru na tere ti gbalaka ni, ala yeke sukula tere ti ala alingbi na yanga so KOTA GBIA amu lani na Moïse.

Wungo ti azo 3:31

Kua ti ala ayeke ti batango sanduku ti *mbuki, meza, gere ti alamba, agbalaka na akungba nde nde ti sarango na kua na ya ti da so a zia nde ndali ti KOTA GBIA; ala yeke bata nga ridoo ti ya ti da ni. Aye so kue, ala laa ayeke baa lege ni.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Ahebro 3:2

Ando, Moïse asara kua na legeni na ya ti da ti Nzapa kue. Legeoko nga, Jésus asara kua na Nzapa na legeni, Nzapa so asara si lo ga kota wayango-sandaga.

Ahebro 8:5

Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

1 Samuel 15:22

Samuel akiri atene: “Asandaga so a yeke gbi ni kue na wâ nga na ambeni sandaga anzere na be ti KOTA GBIA ahon mango yanga ti lo? Mango yanga ayeke nzoni mingi ahon asandaga; mango tënë ayeke nga nzoni mingi ahon anyama ti mafuta.