Sigingo 39:27 - Mbeti ti Nzapa - Tënë so amu fini

²⁷ Na pekoni, zo ti kpongo bongo na apendere nzoroko afu na Aaron nga na amolenge ti lo ti koli mbeni yongoro bongo so a sara na len,

Sigingo 39:27 ပူးပေါင်းရင်းမြစ်များ

Sigingo 28:36

“Fade ala yeke mu lôro ti nzoni ni, ala leke na mbeni palata so akpa kongo, ala yeke kpaka na ndö ni mbeni tënë tongaso: ‘Ye so a zia nde ndali ti KOTA GBIA.’

Sigingo 39:26

Na yanga ti kaba ni, ye so ayeke toto ngrengre so, ala zia ni oko, ala zia nga le ti grenade oko; ala zia aye ni tongaso angoro yanga ni kue, alingbi na yanga so KOTA GBIA amu lani na Moïse.

Sigingo 39:28

mbeni bongo so a yeke kanga na li tongana kpoto na akpoto so a sara na len, akilote so a sara na len, akamba ti len so akpengba kpengbango;

Ésaïe 61:10

Mbi yeke na ngia mingi ndali ti *KOTA GBIA. Be ti mbi asi singo na ngia ndali ti Nzapa ti mbi. Biani, lo soo mbi na kuâ si aga tongana bongo ti matanga na tere ti mbi. Lo yu mbirimbiri na tere ti mbi tongana kota bongo. Mbi kpa koli so amu wali na fini ni si lo zia kpoto ti gbia na li ti lo tongana ti wayango-sandaga, wala wali so amu koli na fini ni si lo yu aye ti pendere.

Ezekiel 44:17

Tongana ala li na ya ti gbagba ti ya ni, fade ala yu abongo so a sara na *len. Tongana ala yeke sara kua na yanga ti gbagba ti ya ni nga na ya ti kota da ni, ala yeke yu abongo so a sara na kua ti tere ti taba pepe.

Ezekiel 44:18

Ala yeke yu na li ti ala kpoto so a sara na len, ala yeke yu na ngbonda ti ala kilote so a sara na len. Ala yeke kanga kamba na ndö ti bongo pepe titene gbiki amu ala mingi pepe.

Awayango-sandaga 6:10

Titene ala zö ni, ala zia mama ti mapa daa pepe. So ayeke mbage ti sandaga so ayeke gbi ni kue na wâ, so azo amu aga na ni na mbi si mbi mu na Aaron na amolenge ti lo. Ayeke mbeni ye so ayeke nde si ayeke nzoni kue. Ayeke nzoni kue tongana sandaga so zo ayeke mu titene Nzapa azi siokpari na li ti lo, wala sandaga so zo ayeke mu ti leke na tënë ti lo.

Awayango-sandaga 8:13

Na pekoni, Moïse aga na amolenge ti Aaron; lo yu na ala akota bongo, lo kanga kamba na ndö ti abongo ni, lo zia kpoto na li ti ala alingbi na yanga so KOTA GBIA amu.

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

1 Pierre 1:13

Ndani laa, ala leke be ti ala ti sara kua, le ti ala akpengba si ala zia be ti ala kue ti ku anzoni ye so ala yeke wara ande na ndembe so Jésus Christ ayeke si.