Sigingo 38:27 - Mbeti ti Nzapa - Tënë so amu fini

²⁷ Azo amu kilo ti wen ti nginza 3 000, ala kporo ni si asara na agere 100 ti angbongboro keke ti da so ayeke nde si ayeke nzoni kue nga na agere ti ridoo ti ya ti da ni. Kilo 30 ayeke ndali ti gere ni oko oko.

Sigingo 38:27 ပူးပေါင်းရင်းမြစ်များ

Sigingo 26:19

Na pekoni, ala yeke mu wen ti nginza, ala sara na gere ni baleosio titene amabaya ni aluti na ndö ni. Gere ni use use ayeke ndali ti mabaya oko oko alingbi na anduru keke use.

Sigingo 26:21

Ala yeke mu wen ti nginza, ala sara nga na gere ni baleosio titene amabaya ni aluti na ndö ni. Gere ni use use ayeke ndali ti mabaya oko oko.

Sigingo 26:25

Fade amabaya ti peko ti da ni kue ayeke duti miombe si agere ni baleoko na omene; a sara ni na wen ti nginza, so ti tene mabaya oko, gere ni use; mabaya oko, gere ni use.

Sigingo 26:32

Ala yeke kanga ridoo ni na nduzu na akongi so a sara na lôro; akongi ni ayeke duti na tere ti angbongboro keke osio ti akasia so a zia lôro na tere ni. Ala yeke zia angbongboro keke ni aluti na ndö ti gere ni osio so a sara na wen ti nginza.

Sigingo 38:26

Nengo ti nginza ni alingbi grame oku ndali ti koli oko oko; wungo ti akoli so a diko ala ayeke 603 550; so ti tene ala so ngu ti ala alingbi ngu baleuse na ala so ngu ti ala ahon baleuse. A haka nginza ni na kilo so a yeke haka ka na ye na ndo so a zia nde ndali ti Nzapa.

Sigingo 38:28

Na tanga ti kilo 17 na grame 750 so angba, ala mu ni si asara na akongi ti angbongboro wen ni nga na awen so a yeke kanga na tere ti angbongboro wen ni; ala zia nga ni na li ti angbongboro wen ni kue.