Sigingo 38:23 - Mbeti ti Nzapa - Tënë so amu fini

²³ Zo so amu maboko na lo ayeke Oholiab, molenge ti Ahisamak ti koli, zo ti mara ti Dan. Oholiab ayeke zo ti sarango ye na kode na tere ti atêne ti ngangu ngere, zo ti sarango ye ti kode, zo ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 38:23 ပူးပေါင်းရင်းမြစ်များ

Sigingo 25:4

bongo so nzoroko ni akpa le ti nduzu na bongo so abe bengo, bengba bongo so ayeke za zango, bongo so a sara na *len nga na bongo so a sara na kua ti tere ti ngasa,

Sigingo 26:36

“Ti ridoo ti yanga ti da ni, fade azo ti kpongo bongo na apendere nzoroko ayeke sara mbeni ridoo nde na kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 31:2

“Baa, mbi soro Besalel, molenge ti Uri ti koli; Uri ayeke molenge ti Hur, zo ti mara ti Juda.

Sigingo 31:6

Na ndö ni kue, mbi zia Oholiab, molenge ti Ahisamak na tere ti lo ti mu maboko na lo. Ahisamak ayeke zo ti mara ti Dan. Mbi mu nga ndara mingi na azo oko oko so kue ayeke sara ye na kode titene ala sara aye so kue mbi mu yanga na mo ti sara:

Sigingo 35:34

Na ndö ni kue, KOTA GBIA amu na lo matabisi ti fa aye ti kode ni so na azo tongana ti so lo mu na Oholiab, molenge ti Ahisamak, zo ti mara ti Dan.

Sigingo 36:1

“Besalel, Oholiab na azo ti ndara so kue *KOTA GBIA amu na ala ndara na hingango ndo titene ala hinga ti sara akua kue ti da so ayeke nde si ayeke nzoni kue so, fade ala yeke sara aye so kue KOTA GBIA amu yanga na ala ti sara.”