Sigingo 38:21 - Mbeti ti Nzapa - Tënë so amu fini

²¹ So ayeke wungo ti aye so azo aga na ni ti sara na da so Nzapa ayeke duti daa; da so a yeke bata atêne so a su atënë ti mbuki na le ni. Azo ti mara ti Lévi adiko wungo ti aye ni alingbi na yanga so Moïse amu; ala diko ni na gbe ti Itamar, molenge ti wayango-sandaga Aaron.

Sigingo 38:21 ပူးပေါင်းရင်းမြစ်များ

1 Mbai 6:3

Amolenge ti Kehat ayeke Amram, Isar, Hebron na Uziel.

2 Mbai 24:6

Nilaa gbia airi Yoyada, kota wayango-sandaga si atene na lo: “Moïse, zo ti kua ti KOTA GBIA na bongbi ti azo ti Nzapa afa ando wungo ti nginza na azo ti Jérusalem nga na azo ti Juda titene ala futa si a leke na da ti Nzapa so mbeti ti *mbuki ayeke daa. Ngbanga ti nyen si mo hunda na ngangu na azo ti mara ti Lévi ti ro nginza ni pepe so?”

Mbeti ti Job 11:4

Mo gue daa ti tene: “Tënë so mbi yeke tene ayeke taa-tënë; na le ti Nzapa, mbeni tënë ayeke na li ti mbi pepe.”

Mbeti ti Job 22:23

Tongana mo kiri na mbage ti lo so ngangu ti lo ahon angangu kue, fade lo yeke zia mo na ndo ti mo. Me ye ti sioni, mo zia yongoro na da ti mo.

Mbeti ti Job 26:1

Job amu tënë si lo tene:

Abia (Psaumes) 15:1

Bia ti David. *KOTA GBIA, zo wa laa mo yeke yamba lo na ya ti kota da ti mo, zo wa? Zo wa laa alingbi ti duti na ndö ti hoto ti mo so ayeke nde si ayeke nzoni kue so?

Sigingo 25:16

Fade mo yeke zia na ya ti sanduku ni atêne so a su atënë ti mbuki na le ni si mbi yeke mu na mo so.

Sigingo 26:33

Ala yeke kanga ridoo ni na nduzu na gbe ti akongi ni. “Na peko ti ridoo ni kâ, ala yeke zia sanduku so a zia na ya ni atêne so a su atënë ti mbuki na le ni. Ridoo ni ayeke kangbi popo ti ndo so ayeke nde si ayeke nzoni kue na ndo so ayeke nde si ayeke nzoni kue ahon atanga ni.

Sigingo 38:20

Awen so ala kpo ti gbu da ni na nduzu nga na awen so ala kpo ti gbu na gbagba ni kue ayeke na bengba wen.

Sigingo 38:22

Besalel, molenge ti Uri, molenge ti Hur, zo ti mara ti Juda asara aye so kue alingbi na yanga so KOTA GBIA amu lani na Moïse.

Sigingo 40:3

Mo yeke zia na ya ti da ni sanduku so a zia na ya ni atêne so a su atënë ti mbuki na le ni; mo yeke honde ni na peko ti ridoo so akangbi ya ti da ni.

Sigingo 6:23

Aaron amu Elisheba, molenge ti Aminadab ti ga wali ti lo. Elisheba ayeke ita ti Nashon ti wali. Aaron na Elisheba adu amolenge-koli osio: Nadab, Abihu, Elazar na Itamar.

Wungo ti azo 1:50

Fade mo yeke mu na azo ti mara ti Lévi kua ti batango da so a zia nde ndali ti Nzapa, da so a yeke bata atêne so a su atënë ti *mbuki na le ni nga na akungba ti ya ti da ni kue. Ala yeke yo da ni na akungba ti ya ni kue, ala yeke sara kua na ya ti da ni si ala yeke sara bâbâ ti ala angoro da ni kue.

Wungo ti azo 1:53

Ti azo ti mara ti Lévi, ala yeke sara bâbâ ti ala angoro da so a zia nde ndali ti Nzapa. Tongaso si ngonzo ti KOTA GBIA ati na ndö ti bongbi ti azo ti Israel pepe. Kua ti azo ti mara ti Lévi ayeke ti sara akua kue ti da ni.”

Wungo ti azo 10:11

Na nze use ti use ngu ni, na lango baleuse ni, ngbongboro mbinda alondo na ndö ti da ni ti hon, da so a zia atêne na ya ni, atêne so a su atënë ti *mbuki na le ni.

Wungo ti azo 18:2

Mo zia a-ita ti mo azo ti mara ti Lévi, mara ti babâ ti mo titene ala ga nduru na mo; ala yeke mu maboko na mo na ya ti kua ni. Me mo na amolenge ti mo laa ayeke luti na dawa ti da ti sanduku so a zia na ya ni atêne so a su atënë ti *mbuki na le ni.

Wungo ti azo 24:5

Ala, *ahale ti Jacob, so pendere da ti bongo na ala! Ala, azo ti Israel, so pendere da na ala!

Wungo ti azo 9:15

Na lango so a leke da ni na nduzu awe, ngbongboro mbinda aga amu ndö ni kue, da so a zia atêne na ya ni, atêne so a su atënë ti *mbuki na le ni. Ti londo na lakui ngbii asi na ndaperere, mbinda ni angba na ndö ti da ni si ayeke za zango tongana wâ.

Matthieu 17:4

Pierre atene na Jésus: “*Kota Gbia, ayeke nzoni e ngba na ndo so! Tongana mo ye, fade mbi leke agbefa ota na ndo so: oko ti mo, oko ti Moïse, oko ti Élie.”

Awatokua 7:44

“Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.

2 Korente 5:1

Biani, na ndö ti sese so, tere ti e ti zo akpa da ti bongo so ayeke buba mbeni lâ; me e hinga, e tene, na yayu, e yeke na da so ayeke ngba lakue lakue. Nzapa laa asara ni, maboko ti zo laa asara ni pepe.

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Ahebro 9:11

Me Christ aga awe, lo yeke kota wayango-sandaga so ayeke mu na e anzoni ye so ayeke daa awe. Lo li na ya ti da ti bongo so ayeke kota ye mingi si ayeke nzoni kue ahon ti so azo aleke na ndö ti sese so. Maboko ti zo laa asara da ni pepe, so ti tene da so ayeke da ti ndö ti dunia so pepe.

2 Pierre 1:13

Na ndembe so mbi de na ndö ti sese so, mbi baa mbi tene, ayeke nzoni na lege ti atënë so, mbi yeke dabe ti ala titene ala lango pepe.

Aye so Nzapa afa 11:19

Kota da ti Nzapa so ayeke na yayu, yanga ni azi si zo alingbi ti baa sanduku ti *mbuki so ayeke na ya ti kota da ni. Tongaso, wâ ti bekpa aza, a ma go ti azo, bekpa asungba, sese ayingi si *apembe ti bekpa atuku ngangu.

Aye so Nzapa afa 15:5

Na pekoni, mbi baa kota da ti Nzapa so ayeke na yayu; yanga ni azi. Mbi baa da ti bongo so Nzapa na azo ti lo ayeke wara tere daa ayeke na ya ti kota da ni.

Aye so Nzapa afa 21:3

Mbi ma mbeni kota go so alondo na mbage ti mbata ti gbia ni, atene: “Fadeso, da so Nzapa aduti daa asi na popo ti azo awe! Lo yeke sara kodro na ala, ala yeke duti amara ti lo. Lo wani, lo yeke duti na ala, lo yeke duti Nzapa ti ala.