Sigingo 37:17 - Mbeti ti Nzapa - Tënë so amu fini

¹⁷ Na pekoni, lo sara mbeni gere ti alamba na lôro ti nzoni ni so a pika tere ni pikango. Gere ti lamba ni, amaboko ni, akopo ni, akutu ni nga na akongo ni abongbi kue ti ga gi ye oko.

Sigingo 37:17 ပူးပေါင်းရင်းမြစ်များ

1 Mbai 28:15

David afa na lo nengo ti agere ti lamba na alamba so a leke na lôro nga na wen ti nginza. Lo fa nga kua so a yeke sara na gere ti lamba oko oko kue.

2 Mbai 13:11

Lakue na ndaperere nga na lakui, ala yeke ya na KOTA GBIA *asandaga so a yeke gbi ni kue na wâ, ala yeke zö na lo dukani so fion ni anzere na lo, ala yeke zia mapa so a mu na Nzapa na ndö ti meza so ayeke *nzoni si lakue na lakui, ala yeke za wâ na ya ti alamba so ayeke na ndö ti gere so a sara na lôro. Ti e, e yeke sara kua na KOTA GBIA, Nzapa ti e. Me ti ala, ala zia lo awe.

Sigingo 31:8

meza na agbakuru ni, gere ti alamba ti *nzoni ni, na agbakuru ni kue, gbalaka so a yeke zö dukani na ndö ni,

Sigingo 37:16

Lo sara agbakuru ti ziango na ndö ti meza ni: akpangbara sembe, akopo, adu ti sembe na akota sembe titene a tuku *sandaga ti samba daa. Lo sara aye ni kue na lôro ti nzoni ni.

Sigingo 37:18

Amaboko ni asigigi omene na tere ti yongoro gere ti alamba ni: ota na mbage, ota na mbage.

Awayango-sandaga 24:4

Aaron ayeke zia alamba ni na ndö ti gere ni so a sara na lôro ti nzoni ni titene alamba ni aza lakue na bi na dawa ti mbi KOTA GBIA.”

Zakarii 4:11

Mbi kiri mbi hunda lo, mbi tene: “Akeke ti olive use so, mbeni na mbage ti maboko ti koli si mbeni na mbage ti maboko ti wali ti gere ti alamba ni so aye ti fa nyen?”

Zakarii 4:2

Lo hunda mbi, lo tene: “Nyen laa mo baa, nyen?” Mbi kiri tënë: “Mbi baa na ya ti mbeni ye tongana bango-li, mbeni gere ti alamba so a sara ni kue na lôro. Na mbage ti li ni, mbeni ta ti ziango mafuta na ya ni ayeke daa. Alamba mbarambara ayeke na ndö ti gere ti alamba ni; lamba oko oko ayeke na kamba mbarambara so mafuta ayeke hon na ya ni ti gue na ya ti alamba ni.

Wungo ti azo 8:4

Lege so a sara na gere ti alamba ni ayeke tongaso: a sara gere ti alamba ni kue na lôro so a pika tere ni pikango, ti londo na gere ni ngbii asi na akongo ti li ni. A sara gere ti alamba ni alingbi na kode so KOTA GBIA afa na Moïse.

Matthieu 5:15

Zo ayeke zia wâ na ya ti lamba ti zia ni na gbe ti ta pepe. Me lo yeke zia ni na ndö ti mbeni ye na nduzu titene aza si azo ti ya ti da ni kue abaa ndo na ni.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.

Ahebro 9:2

Ndali ni, azo aleke mbeni da ti bongo. Kozo ndo ti ya ti da ti bongo ni, a iri ni “ndo so ayeke nde si ayeke nzoni kue”. Na ndo ni so, ala zia gere ti alamba na meza daa, meza so mapa ti mungo na Nzapa ayeke na ndö ni.

Aye so Nzapa afa 1:12

Mbi baa ndo na peko ti mbi ti baa zo so ayeke tene tënë na mbi so. So mbi baa ndo na peko ti mbi, mbi baa agere ti lamba mbarambara so a sara ni na lôro.