Sigingo 36:8 - Mbeti ti Nzapa - Tënë so amu fini

⁸ Azo so ahinga ti sara kua nzoni asara da so Nzapa ayeke duti daa; ala sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Ala kpo limo ti *asheruben na tere ni.

Sigingo 36:8 ပူးပေါင်းရင်းမြစ်များ

1 Agbia 6:23

Na ya ti kubu so ayeke na ngbonda ni kâ, a leke *asheruben use na keke ti olive ti ngonda; sheruben oko ayo na nduzu metere oku.

1 Mbai 15:1

David asara ada ndali ti lo wani na Gbata ti David. Lo leke mbeni ndo ndali ti sanduku ti *mbuki ti Nzapa si lo kpo na nduzu mbeni da ti bongo ndali ti sanduku ni.

2 Mbai 1:3

Salomon na bongbi ti azo ni kue ague na li ti hoto so ayeke na Gabaon, ngbanga ti so da ti bongo so KOTA GBIA na azo ti lo ayeke wara tere daa ayeke kâ. Moïse, zo ti kua ti KOTA GBIA laa aleke ando da ti bongo ni na benyama.

2 Mbai 3:10

Na ya ti da so ayeke nde si ayeke nzoni kue ahon atanga ni, a leke asheruben use so a kporo wen si a leke na ni; a zia nga lôro na tere ti asheruben ni.

Sigingo 25:18

Ala yeke sara *asheruben use na lôro so a pika tere ni pikango, ala yeke zia ala na ndö ti ye ti kangango na yanga ti sanduku ni, oko na yanga ni, oko na mbeni yanga ni.

Sigingo 25:22

Na ndo so laa mbi yeke wara tere na mo, na ndö ti ye ti kangango na yanga ti sanduku ni, na popo ti asheruben use so. Na ndo so laa mbi yeke mu yanga na mo ndali ti azo ti Israel.”

Sigingo 31:6

Na ndö ni kue, mbi zia Oholiab, molenge ti Ahisamak na tere ti lo ti mu maboko na lo. Ahisamak ayeke zo ti mara ti Dan. Mbi mu nga ndara mingi na azo oko oko so kue ayeke sara ye na kode titene ala sara aye so kue mbi mu yanga na mo ti sara:

Sigingo 31:7

da ti bongo so mbi na azo ti mbi e yeke wara tere daa, sanduku so a zia na ya ni atêne so a su atënë ti mbuki na le ni, ye ti kangango na yanga ti sanduku ni, agbakuru ti da ni kue,

Sigingo 35:10

Ayeke nzoni azo so kue ayeke sara ye na kode si ayeke na popo ti ala aga asara aye so kue KOTA GBIA amu yanga daa:

Sigingo 36:9

Amapia-bongo ni kue alingbi tere: yongoro ni metere baleoko na osio si konongo ti le ni metere use.

Sigingo 39:3

Ala mu lôro, ala pika ni si aga lepe-lepe tongana kugbe. Azo ti kpongo bongo na apendere nzoroko afâ ya ni kete kete tongana kamba, ala bongbi ni na bongo so nzoroko ni akpa le ti nduzu, bongo so abe bengo na bengba bongo so ayeke za zango nga na kamba ti len.