Sigingo 36:35 - Mbeti ti Nzapa - Tënë so amu fini

³⁵ Na pekoni, azo ti sarango ye na kode amu kamba ti len so akpengba kpengbango, ala bongbi ni na bongo so nzoroko ni akpa le ti nduzu, bongo so abe bengo, bengba bongo so ayeke za zango, ala sara na ridoo. Ala kpo limo ti asheruben na tere ti ridoo ni.

Sigingo 36:35 ပူးပေါင်းရင်းမြစ်များ

Sigingo 26:1

Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.

Sigingo 30:6

Ala yeke zia gbalaka ni na dawa ti ridoo so ahonde sanduku so a zia na ya ni atêne so a su atënë ti mbuki na le ni; so ti tene ridoo so ayeke na dawa ti ye ti kangango na yanga ti sanduku ni. Na ndo so laa, Moïse, mbi na mo, e yeke wara tere.

Sigingo 36:34

Ala zia lôro na tere ti amabaya ni nga na tere ti alate ni. Ala mu lôro asara na akati so alate ni ahon na ya ni.

Sigingo 36:36

Ala kanga ridoo ni na nduzu na akongi so a sara na lôro; akongi ni ayeke na tere ti angbongboro keke osio ti akasia so a zia lôro na tere ni. Ala kporo wen ti nginza, ala sara na agere ni osio si angbongboro keke ni aluti na ndö ni.

Sigingo 40:21

Moïse ague na sanduku ni na ya ti da so Nzapa ayeke duti daa. Na pekoni, a kanga ridoo so akangbi ya ti da ni titene ahonde sanduku ni. Moïse asara ye ni alingbi na yanga so KOTA GBIA amu lani na lo.

Matthieu 27:51

Gi na ndembe ni so, ya ti ridoo so a kanga na ya ti kota da ti Nzapa asuru use, alondo na nduzu ngbii asi na gbeni. Sese ayingi, ya ti akota têne asuru,

Ahebro 10:20

Na popo ti ridoo so akangbi ya ti kota da ti Nzapa, Christ azi na e mbeni fini lege so e yeke mu ni ti duti na fini; lo sara so na lege ti tere ti lo ti zo.