Sigingo 35:35 - Mbeti ti Nzapa - Tënë so amu fini35 KOTA GBIA asara si ala wara ndara mingi ti sara na akua nde nde: kua ti sarango ye na kode na tere ti atêne ti ngangu ngere, kua ti sarango ye ti kode, kua ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala hinga ti sara akua nde nde, ala hinga ti gbu li ti sigigi na kode ti akua nde nde. အခန်းကိုကြည့်ပါ။ |
Hiram ayeke molenge ti mbeni wali-mua so ayeke zo ti mara ti Neftali. Babâ ti Hiram ayeke zo ti Tir. Hiram ayeke zo ti sarango kua ti bengba wen, lo si singo na ndara, na hingango ndo nga na kode ti sarango kua na mara ti abengba wen nde nde. Nilaa gbia Salomon airi lo ti ga titene lo leke aye so kue lo ye.
Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.
Da ti mbi so mbi duti na ya ni, a zi ni si a gue na ni yongoro na tere ti mbi, tongana gbefa ti wabatango-taba. Tongana ti so zo ti lekengo bongo ayeke rule bongo ti lo so ahunzi, fini ti mbi ahunzi legeoko tongaso. A fâ kamba ti bongo ni awe. KOTA GBIA, na kota lâ ngbii asi na lakui, mo hunzi na mbi awe.