Sigingo 35:29 - Mbeti ti Nzapa - Tënë so amu fini

²⁹ Azo ti Israel kue, akoli wala awali ti nzoni be, na be ti ala wani, ala ga na aye so alingbi ti sara na kua so KOTA GBIA amu yanga daa na Moïse.

Sigingo 35:29 ပူးပေါင်းရင်းမြစ်များ

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

1 Mbai 29:17

Nzapa ti mbi, mbi hinga so mo laa mo yeke baa ya ti be ti zo si mo yeda na ye so ayeke mbirimbiri. Ti mbi, na be so ayeke mbirimbiri laa mbi mu aye so kue na mo na be ti mbi wani. Fadeso, mbi yeke na ngia ti baa azo ti mo so abongbi ge ti mu ye na mo na be ti ala wani.

1 Mbai 29:3

Âdu ti anzoni ye ti mbi wani so ayeke na lôro na wen ti nginza, mbi mu ni ndali ti kota da ti Nzapa ti mbi. Mbi zia aye ni so na ndö ti aye so mbi leke awe ndali ti kota da ti Nzapa so mbi ye ni mingi.

1 Mbai 29:6

Tongaso amakonzi ti asewa, amakonzi ti amara ti Israel, ala so ayeke na li ti aturugu saki oko, ala so ayeke na li ti aturugu ngbangbo oko nga na azo so ayeke baa ndo na ndö ti akua ti gbia amu ye na be ti ala wani;

2 Mbai 35:8

Amakonzi ti lo, na be ti ala wani azi nga na ndö ti anyama ti ala ambeni nyama ti mu na azo ti kodro, awayango-sandaga nga na azo ti mara ti Lévi. Hilkia, Zakarii na Yehiel, amakonzi ti kota da ti Nzapa amu na awayango-sandaga ataba na angasa saki use na ngbangbo omene nga na abagara ngbangbo ota ndali ti sandaga ti Pake ni.

Esdras 3:5

Na pekoni, ala ya lakue asandaga so a yeke gbi ni kue na wâ, asandaga ti fini nze, asandaga ndali ti alango ti amatanga so a zia ni nde ndali ti KOTA GBIA nga na asandaga so azo ayeke mu na be ti ala wani na KOTA GBIA.

Esdras 8:28

Mbi tene na ala: “A zia ala nde ndali ti kua ti *KOTA GBIA awe. Legeoko nga a zia aye so nde ndali ti lo awe. Wen ti nginza na lôro so ayeke aye so azo amu na be ti ala wani na KOTA GBIA, Nzapa ti akotara ti ala.

Sigingo 35:4

Moïse atene na bongbi ti azo ti Israel kue, atene: “Yanga so KOTA GBIA amu ayeke so:

Sigingo 35:5

Aye so ala yeke na ni, ala bongbi ambeni aga na ni na KOTA GBIA. Azo so kue aye ti mu ye na nzoni be, fade ala yeke ga na ni na KOTA GBIA; ala lingbi ti ga na aye tongana: lôro, wen ti nginza, bengba wen,

Sigingo 36:3

Moïse amu na ala aye so kue azo ti Israel aga na ni ndali ti kua ti da so ayeke nde si ayeke nzoni kue so. Me lakue na ndaperere, azo angba ti ga na aye na Moïse na be ti ala wani.

Ésaïe 8:20

fade ala yeke kiri tënë na ala, atene: “E yeke kiri gi na ndö ti wango ti KOTA GBIA na tënë so lo tene.” Zo so atene tënë tongaso pepe, fade lo yeke baa lumiere ti ndaperere pepe.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

1 Korente 3:5

Apolos ayeke zo wa? Paul ayeke zo wa? Ala yeke gi azo ti kua so Nzapa amu ala ti sara si ala, azo ti Korente ama na be. Zo oko oko na popo ti azo ti kua ni asara gi ye so *Kota Gbia amu na lo ti sarango ni.

1 Korente 9:17

Tongana mbi wani laa mbi soro fade ti sara kua ni so, ka alingbi ti futa mbi. Me a hunda na mbi na ngangu ti sara kua ni, ngbanga ti so Nzapa laa azia ni na maboko ti mbi.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.

Galasii 6:16

Mbi tene na azo so kue ayeke sara ye alingbi na ye so mbi fa so, mbi tene: siriri ti Nzapa na nzoni be ti lo aduti na ala, nga na azo so kue ayeke taa mara ti lo!

Ndia ti fani use ni 11:32

Tongaso, fade ala yeke sara ngangu ti bata aye so kue ndia afa nga na atënë ti ndia so mbi yeke fa na ala laso.

Ndia ti fani use ni 4:2

Tënë so mbi yeke fa na ala, alingbi ala zia mbeni tënë na ndö ni pepe, ala zi nga mbeni tënë na ya ni pepe; me alingbi ala sara ye alingbi na atënë kue ti yanga ti KOTA GBIA Nzapa ti ala.

2 Pierre 1:19

Na ndö ni kue, tënë so awayanga-Nzapa atene so ayeke taa kpengbango tënë; tënë ni ayeke tongana lamba so ayeke za na ya ti vukongo ndo. So ayeke na legeni titene le ti ala angba na ndö ni ngbii ndo ahan si tongoro ti ndaperere aza na be ti ala.

Awafango-ngbanga 5:2

“Na kodro ti Israel, zo oko oko ayeke nduru ti tiri bira, azo ayeda na be ti ala ti gue na bira: ala mu singila na *KOTA GBIA!

Awafango-ngbanga 5:9

Be ti mbi ayeke na ndö ti amakonzi ti Israel, na ndö ti azo so alondo na be ti ala wani ti gue na bira. Ayeke nzoni ala mu singila na KOTA GBIA!