Sigingo 35:21 - Mbeti ti Nzapa - Tënë so amu fini

²¹ Na pekoni, azo kue ti nzoni be, na be ti ala wani abongbi ambeni ye aga na ni na KOTA GBIA ti sara na da ti bongo so KOTA GBIA na azo ti lo ayeke wara tere daa. Ala ga nga na aye ni ndali ti akua ti lo kue nga ti sara na abongo so a zia nde ndali ti kua ti Nzapa.

Sigingo 35:21 ပူးပေါင်းရင်းမြစ်များ

2 Samuel 7:27

Biani, KOTA GBIA so ngangu ti lo ahon angangu kue, Nzapa ti Israel, mo wani, mo tene na mbi, mo tene, fade ahale ti mbi ayeke le-gbia na peko ti mbi. Nilaa be ti mbi awara ngangu ti sara sambela so.

1 Mbai 28:2

Gbia David aluti na nduzu si lo tene: “A-ita ti mbi, azo ti mbi, ala ma mbi! Mbi leke lani na be ti mbi ti sara da ti zia sanduku ti *mbuki ti *KOTA GBIA daa, so ti tene mbata so Nzapa ti e ayeke zia gere ti lo daa. Mbi leke aye ti sarango na da ni awe.

1 Mbai 28:9

– Ti mo, molenge ti mbi Salomon, ayeke nzoni mo hinga Nzapa ti babâ ti mo; mo sara na lo na be ti mo kue, tere ti mo ayapu na kua, ngbanga ti so KOTA GBIA laa ayeke baa ya ti be ti zo si lo hinga tënë ti be ti zo. Tongana mo gi lo, fade lo yeke zia lege na mo ti wara lo; me tongana mo zia lo, fade lo yeke ke mo kpu na kpu.

1 Mbai 29:14

Mbi na azo ti kodro ti mbi, e yeke zo wa ti mu ye na be ti e wani tongaso? Ye kue alondo na mo; ye so e mu na mo, alondo gi na mo.

1 Mbai 29:3

Âdu ti anzoni ye ti mbi wani so ayeke na lôro na wen ti nginza, mbi mu ni ndali ti kota da ti Nzapa ti mbi. Mbi zia aye ni so na ndö ti aye so mbi leke awe ndali ti kota da ti Nzapa so mbi ye ni mingi.

1 Mbai 29:8

Azo so ayeke na atêne ti ngangu ngere, ala mu ni na Yehiel, zo ti kete mara ti Gershon ti zia na ya ti da ti mosoro ti kota da ti KOTA GBIA.

1 Mbai 29:9

Azo ni kue ayeke na ngia, ngbanga ti so ala mu aye na KOTA GBIA na be ti ala kue nga na nzoni be. Be ti David asi singo na kota ngia.

Esdras 2:68

So ala si na Jérusalem, gbata ti kota da ti KOTA GBIA, ambeni zo ti li ti asewa amu ambeni ye na be ti ala wani ndali ti kota da ti KOTA GBIA. Ala mu aye ni titene a kiri a leke na kota da ti KOTA GBIA na ndo so a leke ni ando daa kozoni so.

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Abia (Psaumes) 110:3

Na lango so mo bongbi aturugu ti mo ti gue na bira, azo ti mo, na be ti ala wani, amu peko ti mo. Na ndö ti ahoto so ayeke nde si ayeke nzoni kue, amaseka ayeke ga na mbage ti mo; ala kpa ngu ti pere ti kota ndaperere.

Sigingo 25:2

“Mo tene na azo ti Israel, mo tene: Ala bongbi ambeni ye ti ala aga na ni na mbi. Fade ala yamba aye ni na maboko ti azo so kue aga na ni na nzoni be.

Sigingo 35:20

Bongbi ti azo ti Israel kue azia Moïse ahon.

Sigingo 35:22

Tongaso akoli na awali ti nzoni be aga na aye nde nde so a sara na lôro: aye ti mê, akete palata, aye ti go, aye ti maboko wala *akati. Zo oko oko aga na aye ni na KOTA GBIA, lo ya ni na nduzu ti fa atene, lo mu na lo.

Sigingo 35:26

Ambeni wali so kue ayeke na ndara mingi afu ti ala bongo so a sara na kua ti tere ti ngasa.

Sigingo 35:29

Azo ti Israel kue, akoli wala awali ti nzoni be, na be ti ala wani, ala ga na aye so alingbi ti sara na kua so KOTA GBIA amu yanga daa na Moïse.

Sigingo 35:5

Aye so ala yeke na ni, ala bongbi ambeni aga na ni na KOTA GBIA. Azo so kue aye ti mu ye na nzoni be, fade ala yeke ga na ni na KOTA GBIA; ala lingbi ti ga na aye tongana: lôro, wen ti nginza, bengba wen,

Sigingo 36:2

Moïse airi Besalel, Oholiab nga na azo so kue KOTA GBIA asara si ala si singo na ndara; ala kue ayeda na be ti ala wani ti sara akua ni.

Amato 4:23

Mo sara hange na atënë so ayeke na be ti mo kâ, ngbanga ti so lege ti fini ti mo alondo daa.

Jérémie 30:21

Mbeni oko ti ala ayeke duti makonzi ti ala; zo so ayeke sara komandema na ndö ti ala ayeke baa gigi na popo ti ala; fade mbi yeke sara si lo ga nduru na mbi. Biani, zo wa laa alingbi ti sara ye ti koli si lo ga nduru na mbi, zo wa? So tënë ti yanga ti KOTA GBIA laa.

Matthieu 12:34

Ala asioni mara ti ngbo! Ala yeke tene anzoni tënë ngbanga ti nyen, so ala wani ayeke asioni zo so? Ye so asi singo na be ti zo laa ayeke sigigi na lege ti tënë ti yanga ti lo.

2 Korente 8:12

Biani, tongana zo ayeke na nzara ti mu ye si lo mu ni alingbi na ye so lo yeke na ni, Nzapa ayeke yamba ye ni; me ye so zo ayeke na ni pepe, Nzapa ayeke hunda ni pepe.

2 Korente 9:7

Alingbi zo oko oko amu ye tongana ti so lo leke na be ti lo, na vundu pepe, wala mbeni zo agbu lo na ngangu pepe titene lo mu ni. Biani, Nzapa aye zo so ayeke mu ye na ngia.

Awafango-ngbanga 5:12

Zingo, zingo, Debora! Zingo, zingo, mo he bia ti bira! Londo, Barak, molenge ti Abinoam! Londo mo kiri na azo ti mo so a gbu ala!

Awafango-ngbanga 5:3

Ala agbia ti sese, ala ma mbi si! Ala amakonzi ti kodro, ala dingi mê ti ala, ala ma si! Mbi ye ti he bia ndali ti KOTA GBIA! Mbi ye ti he bia ndali ti KOTA GBIA, Nzapa ti Israel.

Awafango-ngbanga 5:9

Be ti mbi ayeke na ndö ti amakonzi ti Israel, na ndö ti azo so alondo na be ti ala wani ti gue na bira. Ayeke nzoni ala mu singila na KOTA GBIA!