Sigingo 34:7 - Mbeti ti Nzapa - Tënë so amu fini

⁷ Mbi yeke sara nzoni be na azo ngbii asi na molongo ti ala saki oko. Azo so asara sioni, azo so asara ngangu li na azo so asara siokpari, mbi yeke kanga be na ala; me zo so tënë ayeke na li ti lo, mbi yeke zia lo senge pepe. Azo so asara siokpari, mbi yeke sara titene siokpari ti azo ni akiri na ndö ti amolenge ti ala na *ahale ti ala ngbii asi na molongo ota ni wala osio ni.”

Sigingo 34:7 ပူးပေါင်းရင်းမြစ်များ

Tongo nda ti aye 19:16

So tere ti Lot angba ti ne nengo, akoli use so agbu maboko ti lo, agboto lo, lo na wali ti lo, na amolenge ti lo ti wali use kue, ala sigigi na lo. Ala sigigi na Lot na ya ti gbata ni si ala zia lo na gigi, ngbanga ti so KOTA GBIA abaa mawa ti lo.

1 Agbia 8:30

Ma vorongo tere ti mbi, zo ti kua ti mo na vorongo tere ti azo ti Israel, azo ti mo so ayeke na ndo so si ala yeke sambela mo. KOTA GBIA, mo so mo yeke na yayu kâ, ma sambela ti e, mo zi nga tënë na li ti e.

1 Agbia 8:32

mo so mo yeke na yayu kâ, ayeke nzoni mo ma zo ni; mo sara ye, mo fâ ngbanga ti azo ti kua ti mo titene zo so asara sioni, mo fâ ngbanga na ndö ti lo si sioni ti lo akiri na li ti lo wani; zo so asara sioni pepe, mo sara na lo alingbi na mbirimbiri ti lo.

2 Mbai 30:9

Tongana ala kiri na mbage ti KOTA GBIA, azo so agbu a-ita ti ala na amolenge ti ala si ague na ala na kodro wande, fade azo ni ayeke baa mawa ti a-ita ti ala na amolenge ti ala ni, ala yeke zia lege na ala ti kiri na ya ti kodro so. Biani, KOTA GBIA, Nzapa ti ala ayeke sara nzoni be si lo yeke baa mawa ti zo. Tongana ala kiri na mbage ti lo, lo yeke bi le ti lo yamba na ala pepe.”

Néhémie 1:5

mbi tene: “*KOTA GBIA, Nzapa ti yayu, mo yeke kota, mo yeke mu mbeto na zo! Mo yeke bata tënë ti *mbuki ti mo na azo so ayeke sara ye alingbi na atënë ti ndia ti mo; mo yeke sara nzoni be na azo so aye mo.

Néhémie 9:32

Nzapa ti e, mo yeke kota Nzapa, mo yeke ngangu, mo yeke mu mbeto na zo; *mbuki so mo sara na e, mo yeke bata tënë ni mbirimbiri. Ti londo na ngoi ti agbia ti Asirii ngbii asi laso, aye ti ngangu so asi na e wani, agbia ti e na amakonzi ti e, awayango-sandaga na awayanga-Nzapa ti e, akotara ti e na azo ti mo kue, ayeke nzoni mo baa ni tongana senge ye pepe.

Mbeti ti Job 10:14

mo ye fade titene le ti mo angba na ndö ti mbi si mo gbu mbi na kozo sarango siokpari; sioni ti mbi, mo ye ti zi tënë ni na li ti mbi pepe.

Abia (Psaumes) 103:3

Lo laa lo zi asioni so kue ayeke na li ti mbi, lo laa lo kai akobela ti mbi kue.

Abia (Psaumes) 109:14

Ayeke nzoni a kiri adabe ti KOTA GBIA na asiokpari ti akotara ti lo, mbeni ye azi sioni ti mama ti lo pepe!

Abia (Psaumes) 130:4

Me mo laa mo yeke zi tënë na li ti azo, tongaso si azo akpe mbeto ti mo.

Abia (Psaumes) 136:10

Lo fâ akozo molenge-koli na Ezipte, – Biani, nzoni be ti lo angba kpu na kpu!

Abia (Psaumes) 136:15

Lo tuku gbia Faraon na aturugu ti lo na ya ti kota ngu-ingo ti Asosongo. – Biani, nzoni be ti lo angba kpu na kpu!

Abia (Psaumes) 25:11

KOTA GBIA, ndali ti iri ti mo, mo zi siokpari ti mbi, siokpari ti mbi so ayeke kota mingi.

Abia (Psaumes) 86:15

Me mo Kota Gbia, mo yeke Nzapa so mo yeke baa mawa ti zo si mo yeke sara nzoni be na zo; mo yeke sara ngonzo hio hio pepe, nzoni be ti mo asi singo si mo yeke bata tënë ti yanga ti mo lakue.

Abia (Psaumes) 99:8

KOTA GBIA Nzapa ti e, mo wani, mo yeke kiri ando tënë na ala; mo yeke Nzapa so mo yeke zi siokpari na li ti ala, me mo yeke kiri nga na ala peko ti sioni ti ala.

Sigingo 23:21

Ala kpe mbeto ti lo, ala ma yanga ti lo. Ala sara ye ti songo be na lo pepe, fade lo yeke zi siokpari na li ti ala pepe, ngbanga ti so lo yeke sara ye na iri ti mbi.

Sigingo 23:7

Ala zia mê ti ala ti ma atënë ti mvene pepe. Zo so tënë ayeke na li ti lo pepe wala zo ti mbirimbiri, ala fâ lo pepe. Biani, mbi Kota Gbia, zo so tënë ayeke na li ti lo, mbi yeke zia lo senge tongaso pepe.

Sigingo 33:19

KOTA GBIA akiri tënë: “Mbi yeke hon na dawa ti mo titene mo baa nzoni be ti mbi kue si mbi yeke di iri ti mbi so ayeke ‘KOTA GBIA’ na mo. Fade mbi yeke sara nzoni be na zo so mbi ye ti sara nzoni be na lo, mbi yeke baa mawa ti zo so mbi ye ti baa mawa ti lo.”

Sigingo 34:9

Na pekoni, lo tene: “Kota Gbia, tongana mo baa mbi na nzoni le, ayeke nzoni KOTA GBIA, mo tambula na popo ti e! Biani, azo so ayeke azo ti ngangu li. Me ayeke nzoni mo zi sioni ti e na siokpari ti e na li ti e; mo baa e tongana ye so aga ti mo!”

Ésaïe 45:21

Ala ga afa so tënë ti ala ayeke na legeni! Ala bongbi, ala leke tënë na popo ti ala. Ye so asi laso, zo wa laa atene tënë ni kozoni si ye ni asi? Zo wa laa afa tënë ni ngbene ye giriri? Mbi KOTA GBIA laa mbi sara aye so pepe? Mbeni Nzapa nde ayeke daa pepe, gi mbi oko; mbeni Nzapa so ayeke mbirimbiri si ayeke soo zo ayeke daa pepe, gi mbi oko.

Jérémie 30:11

So tënë ti yanga ti KOTA GBIA laa: Mbi yeke na mo ti soo mo. Amara so kue mbi kangbi mo lani na popo ti ala, mbi yeke fâ ala kue ti hunzi ala; me ti mo, mbi yeke hunzi mara ti mo pepe. Biani, mbi pika mo, me na legeni; mbi lingbi fade ti zia mo senge tongaso pepe!”

Jérémie 32:18

Mo yeke sara nzoni be na azo ngbii asi na *ahale ti ala ti molongo saki oko. Me tongana ababâ na amama asara siokpari, mo yeke sara si amolenge ti ala laa awara futa ni. Mo yeke kota Nzapa, mo yeke ngangu mingi; iri ti mo ayeke KOTA GBIA so ayeke na ndö ti dunia kue.

Jérémie 9:24

“Mbeni lango ayeke ga so mbi yeke ga na tere ti azo so atene, ani yeke azo so afâ *ganza awe so; so tënë ti yanga ti KOTA GBIA laa.

Daniel 9:4

Mbi sambela KOTA GBIA, Nzapa ti mbi si mbi fa siokpari so na lo, mbi tene: “Ae! KOTA GBIA, mo yeke kota, azo alingbi ti kpe mbeto ti mo mingi. Mo yeke bata tënë ti *mbuki ti mo na azo so abata andia ti mo; mo yeke sara nzoni be na azo so aye mo.

Daniel 9:9

KOTA GBIA Nzapa ti e, ataa so e sara ngangu li na mo, me ndali ti nzoni be ti mo, mo yeke zi siokpari na li ti e.

Mishe 6:11

Azo so ayeke mu akilo so alingbi pepe ti haka na ye; azo so, na ya ti sake ti ala, ala yeke na awen ti kilo ti handango na azo, fade mbi yeke wara tënë na ala pepe?

Mishe 7:18

Mbeni nzapa wa laa alingbi na mo? Mo laa mo yeke zi siokpari ti tanga ti azo ti mo so angba na fini, mo yeke zia be ti mo na kpengbango li ti azo ni pepe. Ndali ti yengo so mo ye na tanga ti azo ti mo so angba na fini, mo yeke sara ngonzo na tere ti ala ngbii aninga pepe, me ye so anzere na be ti mo ayeke titene mo sara nzoni be na azo.

Nahum 1:6

Tongana lo sara ngonzo, zo wa laa ayeke luti na le ti lo, zo wa? Tongana ngonzo ti lo alondo tongana wâ, zo wa laa ayeke ngba na fini, zo wa? Ngonzo ti lo ayeke gbi ye kue tongana ti so kota wâ ayeke gbi ye kue; ya ti akota têne ayeke suru na dawa ti lo.

Matthieu 12:31

Ndani laa mbi tene na ala: fade Nzapa ayeke zi tënë na li ti azo so asara siokpari, na ala so azonga Nzapa; me zo so azonga Yingo-Vuru, fade Nzapa ayeke zi tënë na li ti lo oko pepe.

Matthieu 6:12

Zi sioni ti e na li ti e tongana ti so e nga, e yeke zi sioni na li ti azo so asara sioni na e.

Nzoni Tënë so Luc asu na mbeti 7:42

So ala yeke na nginza ti kiri na ni na lo pepe, lo zia nginza ni na ala use kue. Zo wa na popo ti azo use so si ayeke ye ande wa ti nginza so mingi?”

Nzoni Tënë so Luc asu na mbeti 7:48

Na pekoni, lo tene na wali ni, lo tene: “A zi asiokpari ti mo awe.”

Awatokua 13:38

A-ita, ayeke nzoni ala hinga ye so: na lege ti Jésus laa Nzapa afa na ala tënë ti zingo siokpari na li ti zo; siokpari so *Ndia ti Moïse alingbi ti zi ni oko pepe.

Awatokua 5:31

Nzapa aya lo na nduzu na lege ti ngangu ti lo, lo zia lo Makonzi na Wasongo-zo, ti mu lege na azo ti Israel ti zia ngbene lege ti sarango ye ti ala si Nzapa azi siokpari na li ti ala.

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Efeze 4:32

Ala sara nzoni na popo ti ala, ala baa mawa ti amba ti ala; ala zi tënë na li ti amba ti ala na popo ti ala tongana ti so Nzapa azi tënë na li ti ala, ngbanga ti gango so ala ga oko na Christ.

Ndia ti fani use ni 32:35

mbi yeke kiri peko ti sioni na ala, mbi yeke kiri peko ti ye na ala alingbi na sarango ye ti ala na ndembe so gere ti ala ayeke *zene si ala ye ti ti. Biani, lango ti ye ti ngangu ni aga nduru awe, lango ti kuâ ti ala angba yongoro pepe.’

Ndia ti fani use ni 7:10

Me ti azo so ake lo, gi hio tongaso, lo yeke futa ala alingbi na ye so ala sara; lo yeke sara si ala kui. Zo so ake lo, lo yeke ku kungo pepe ti sara ye na lo; lo yeke futa zo ni gi hio tongaso.

Ndia ti fani use ni 7:9

Alingbi ala hinga atene, KOTA GBIA Nzapa ti ala laa ayeke Nzapa, taa Nzapa biani. Lo yeke bata tënë ti *mbuki ti lo si lo yeke sara nzoni be na azo so aye lo si ala yeke sara ye alingbi na atënë ti yanga ti lo, ngbii asi na molongo saki oko ti *ahale ti ala.

Ahebro 12:29

Biani, Nzapa ti e ayeke tongana mbeni wâ so ayeke gbi ye kue.

Josué 24:19

Josué atene na azo ni, atene: “Ala lingbi ti sara kua na KOTA GBIA pepe, ngbanga ti so lo yeke Nzapa so lo yeke nde si lo yeke nzoni kue; lo yeke Nzapa so ayeke sara mbanda ti azo ti lo. Ndali ngangu li ti ala na siokpari ti ala, fade lo yeke zi tënë na li ti ala pepe.

1 Jean 1:9

Tongana e fa siokpari ti e na Nzapa, lo so lo yeke bata tënë ti yanga ti lo si lo yeke nga mbirimbiri, fade lo yeke zi siokpari ti e si lo yeke sukula sioni ti e kue.

Aye so Nzapa afa 20:15

Tongana a wara iri ti mbeni zo na ya ti mbeti ni pepe, so ti tene mbeti so a su iri ti azo so ayeke na taa fini daa, a yeke bi lo na le ti kota wâ ni.

Aye so Nzapa afa 21:8

Me ti azo ti mbeto, azo so azia lege ti mabe, azo ti sarango asioni ye, azo ti fango zo, azo ti sarango aye ti ndumba, azo ti guengo na gbe ti yoro, azo ti vorongo anzapa nde nga na azo ti mvene kue, ye so a leke ti ku na ala ayeke kota le ti wâ ti *sufre. So laa ayeke kuâ ti use ni.”