Sigingo 34:35 - Mbeti ti Nzapa - Tënë so amu fini

³⁵ azo ti Israel ayeke baa so ndö ti le ti Moïse ayeke za zango. Na pekoni, Moïse akiri abi bongo ni na le ti lo ngbii asi na ngoi so lo yeke kiri ti tene tënë na KOTA GBIA.

Sigingo 34:35 ပူးပေါင်းရင်းမြစ်များ

Sigingo 35:1

Moïse abongbi azo ti Israel kue si lo tene na ala: “Aye so KOTA GBIA amu yanga titene a sara ye alingbi na ni ayeke so:

Zo ti bongbingo azo 8:1

Zo wa laa ayeke tongana zo ti ndara? Zo wa laa ahinga ti fa nda ti tënë so: “Ndara ti zo asara si ndö ti le ti lo aza zango si kangango ndö ti le ti lo ahon”?

Daniel 12:3

Azo so le ti ala ahan, fade ala yeke za tongana lumiere ti le ti nduzu. Azo so amu maboko na ambeni zo mingi ti ga azo ti mbirimbiri, fade ala yeke su lakue lakue tongana atongoro.

Matthieu 13:43

Me fade azo ti mbirimbiri ayeke za zango tongana lâ na ya ti Kodro-gbia ti yayu, lo so lo yeke Babâ ti ala. Zo so ayeke na mê ti mango ndo, ayeke nzoni lo ma tënë so!”

Matthieu 5:16

Legeoko nga, alingbi lumiere ti ala aza na dawa ti azo kue. Tongaso, fade azo ni ayeke baa anzoni sarango ye ti ala si ala yeke gonda Babâ ti ala, azo ti mbi, so ayeke na yayu.

Jean 5:35

Jean ayeke lani tongana lamba so aza si ndo avuru. Ala azo, ala yeda ti sara ngia kete na gbe ti wâ ni.

2 Korente 3:13

E yeke sara ye tongana Moïse pepe so abi ando bongo na le ti lo, tongaso si azo ti Israel alingbi ti baa pepe gonda so ayeke gi ndali ti kete ngoi si ayeke hon hongo.

Filipe 2:15

Tongaso, fade ala yeke duti azo so tënë ayeke na li ti ala pepe, azo so ayeke nzoni kue, amolenge ti Nzapa so ayeke sioni pepe na popo ti azo ti fadeso so ayeke sioni si ayeke sara kirikiri. Na popo ti azo ni, ala yeke duti tongana wâ so ayeke za na dunia so.