Sigingo 34:29 - Mbeti ti Nzapa - Tënë so amu fini

²⁹ Moïse alondo na li ti hoto ti Sinai ti zu; atêne use so a su atënë ti ndia na le ni ayeke na maboko ti lo. So lo yeke zu, ndö ti le ti lo ayeke za zango, ngbanga ti so lo na KOTA GBIA atene tënë. So ndö ti le ti lo ayeke za so, lo hinga ye oko daa pepe.

Sigingo 34:29 ပူးပေါင်းရင်းမြစ်များ

Sigingo 16:15

Azo ti Israel abaa ye ni si ala tene na popo ti ala, atene: “So nyen laa?” Biani, ala hinga ye ni so pepe. Moïse atene na ala: “Mapa so KOTA GBIA amu na ala titene ala te laa.

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 32:15

Moïse alondo na li ti hoto ni, lo zu. Lo gbu na maboko ti lo atêne use so a su atënë ti mbuki na le ni, mbage na mbage; a su atënë ti ndia na le ni.

Sigingo 34:35

azo ti Israel ayeke baa so ndö ti le ti Moïse ayeke za zango. Na pekoni, Moïse akiri abi bongo ni na le ti lo ngbii asi na ngoi so lo yeke kiri ti tene tënë na KOTA GBIA.

Zo ti bongbingo azo 8:1

Zo wa laa ayeke tongana zo ti ndara? Zo wa laa ahinga ti fa nda ti tënë so: “Ndara ti zo asara si ndö ti le ti lo aza zango si kangango ndö ti le ti lo ahon”?

Matthieu 17:2

Tere ti Jésus akiri aga nde na le ti ala: ndö ti le ti lo aza tongana lâ, abongo ti lo avuru si ayeke za zango.

Marc 14:40

Lo kiri lo ga na mbage ti adisiple ti lo si lo wara ala na lango, ngbanga ti so lango ahon ndö ti ala. Ala hinga tënë so ala lingbi ti tene na lo pepe.

Marc 9:6

Biani, lo hinga tënë so lo ye ti tene pepe, ngbanga ti so mbeto agbu lo mingi, lo na tanga ti azo ni.

Nzoni Tënë so Luc asu na mbeti 2:49

Jésus akiri tënë na ala: “Ala gi mbi ngbanga ti nyen? Ala hinga atene, alingbi mbi duti na ya ti da ti Babâ ti mbi pepe?”

Nzoni Tënë so Luc asu na mbeti 9:29

So lo yeke sambela, le ti lo aga nde si bongo ti lo avuru aza tongana wâ ti bekpa.

Jean 5:13

Koli so tere ti lo aga nzoni so ahinga lo pepe, ngbanga ti so Jésus asigigi na popo ti gba ti azo so ayeke kâ si lo hon ti lo.

Awatokua 12:9

Pierre asigigi si amu peko ti lo. Lo baa ti lo, lo tene ye so ange ni ayeke sara so ayeke taa-tënë pepe, me so bango-li laa.

Awatokua 23:5

Paul akiri tënë, atene: “A-ita, mbi hinga fade pepe, mbi tene, lo yeke kota wayango-sandaga. Biani, Mbeti ti Nzapa atene: ‘Mo tene sioni tënë na tere ti makonzi ti mara ti mo pepe.’ ”

Awatokua 6:15

Le ti azo ti Kota Bongbi ti Fango Ngbanga kue atuku gi na ndö ti Étienne. Ala baa so le ti lo aga tongana ti mbeni *ange.

2 Korente 3:13

E yeke sara ye tongana Moïse pepe so abi ando bongo na le ti lo, tongaso si azo ti Israel alingbi ti baa pepe gonda so ayeke gi ndali ti kete ngoi si ayeke hon hongo.

Ndia ti fani use ni 10:5

Mbi kiri mbi londo na li ti hoto ni, mbi zu; mbi zia atêne ni na ya ti sanduku so mbi leke ni so. Akpangbara têne ni angba na ya ni, alingbi na yanga so KOTA GBIA amu lani na mbi. –

Josué 2:4

Me wali ni amu azo use so, lo gue, lo honde ala. Na pekoni, lo tene: “Biani, azo so aga na ndo ti mbi; me mbi hinga ndo so ala londo daa si ala ga so pepe.

Josué 8:14

Na ndaperere, so gbia ti Ai abaa azo ti Israel, lo na aturugu ti lo kue asigigi hio na ya ti gbata ni ti gue ti tiri bira na azo ti Israel, na oko ndo so lani ala tiri bira kozoni daa so; ndo ni ayeke na mbage ti popo-hoto ti Jourdain. Me lo hinga pepe lo tene, ambeni turugu ahonde tere ti ala na mbage ti peko ti gbata ni.

Aye so Nzapa afa 1:16

Lo gbu atongoro mbarambara na maboko ti lo ti koli; mbeni yongoro zeme so yanga ni aza mbage na mbage alondo na yanga ti lo si ayeke sigigi. Le ti lo ayeke za zango tongana lâ so ayeke za na ngangu ti lo kue.

Aye so Nzapa afa 10:1

Mbi kiri mbi baa mbeni ngangu *ange, lo londo na yayu si lo yeke zu. Lo yu mbinda na tere ti lo tongana bongo, *kongö angoro li ti lo; le ti lo ayeke tongana lâ, angbongboro gere ti lo tongana menga ti wâ.

Awafango-ngbanga 16:20

Dalila atene: “Samson, azo ti Filistii ayeke ga ti tiri na mo!” Lo zingo na lango, lo tene: “Mbi yeke sigigi na ya ti kamba tongana ti kozoni si mbi yeke hon.” Andaa lo hinga pepe, lo tene, *KOTA GBIA azia lo awe.