Sigingo 34:28 - Mbeti ti Nzapa - Tënë so amu fini

²⁸ Moïse angba na KOTA GBIA na ndo so lango baleosio na bi baleosio. Lo te kobe pepe, lo nyon ngu pepe. Lo su na ndö ti atêne ni atënë ti mbuki so ayeke Andia baleoko.

Sigingo 34:28 ပူးပေါင်းရင်းမြစ်များ

1 Agbia 19:8

Élie alondo, lo te, lo nyon. So lo wara ngangu na lege ti kobe so awe, lo tambula lango baleosio, na bi baleosio ngbii lo si na Horeb, hoto ti Nzapa.

Sigingo 24:18

Moïse ali na ya ti mbinda ni si lo ma na li ti hoto ni. Lo ngba kâ lango baleosio na bi baleosio.

Sigingo 31:18

So KOTA GBIA ahunzi ti tene tënë na Moïse na li ti hoto ti Sinai, lo mu na lo atêne use so lo wani, lo su atënë ti ndia na le ni.

Sigingo 32:16

Atêne ni, Nzapa laa asara; mbeti ni, Nzapa wani laa asu na le ti atêne ni.

Sigingo 34:1

KOTA GBIA atene na Moïse: “Mo leke akpangbara têne use tongana ti kozoni so. Fade mbi yeke su na le ni gi atënë so ayeke lani na le ti akozo têne so mo fâ ya ni so.

Sigingo 34:10

KOTA GBIA atene na Moïse: “Mbi yeke sara titene mbi na ala e ga ambuki. Na le ti azo ti mo kue, fade mbi yeke sara aye ti dongo be so ade ti si laoko pepe na mbeni ndo na ndö ti sese so wala na popo ti mbeni mara. Fade azo so kue angoro mo ayeke baa akota ye so mbi sara na lege ti mo si aye ni ayeke zia mbeto na be ti ala.

Matthieu 4:2

Na ya ti lango baleosio na bi baleosio, lo ke kobe si na pekoni nzara asara lo.

Nzoni Tënë so Luc asu na mbeti 4:2

Kâ, Zabolo atara be ti lo na ya ti lango baleosio. Na ya ti alango so kue, lo te kobe oko pepe si na pekoni, nzara asara lo.

2 Korente 3:7

A de atënë ti ndia na ndö ti atêne si gonda ti Nzapa aza ahon ndoni na ndembe ni so. Ndali ti zango ti gonda ni, azo ti Israel alingbi ti baa le ti Moïse pepe, ataa so gonda ni ayeke gi ndali ti kete ngoi. Tongana ndia so ayeke gue na zo na kuâ asara si lo wara gonda ahon ndoni,

Ndia ti fani use ni 10:10

Mbi ngba na li ti hoto ni lango baleosio na bi baleosio tongana ti kozoni. Ti so ni, KOTA GBIA akiri ama sambela ti mbi si lo zia lege ti fâ ala kue.

Ndia ti fani use ni 10:5

Mbi kiri mbi londo na li ti hoto ni, mbi zu; mbi zia atêne ni na ya ti sanduku so mbi leke ni so. Akpangbara têne ni angba na ya ni, alingbi na yanga so KOTA GBIA amu lani na mbi. –

Ndia ti fani use ni 4:13

Lo sara si ala hinga tënë ti *mbuki ti lo. Lo mu yanga na ala titene ala bata mbuki ni na sarango ye alingbi na Andia baleoko so lo su na ndö ti akpangbara têne use.

Ndia ti fani use ni 9:18

Moïse atene: Na pekoni, mbi ti na sese na gbe ti KOTA GBIA. Mbi ngba na ndo so lango baleosio na bi baleosio tongana ti kozoni; mbi te kobe pepe, mbi nyon ngu pepe. Mbi sara ye so ndali ti siokpari so kue ala sara: ala sara ye so ayeke sioni mingi na le ti KOTA GBIA, ala zia ngonzo mingi na be ti lo.

Ndia ti fani use ni 9:25

So KOTA GBIA aye ti fâ ala kue, mbi ti na sese na gbe ti lo. Mbi ngba na ndo so lango baleosio na bi baleosio.

Ndia ti fani use ni 9:9

Mbi gue na li ti hoto ni ti mu akpangbara têne so a su atënë ti *mbuki na le ni, mbuki so KOTA GBIA asara lani na ala so. Mbi ngba na li ti hoto ni lango baleosio na bi baleosio; mbi te kobe pepe, mbi nyon ngu pepe.