Sigingo 34:24 - Mbeti ti Nzapa - Tënë so amu fini

²⁴ Fade mbi yeke tumba amara nde na dawa ti ala, mbi yeke sara si sese ti ala, azo ti Israel akono. Na ndembe so ala yeke gue fani ota na ya ti ngu oko oko na dawa ti mbi KOTA GBIA, Nzapa ti ala, zo oko ayeke tara ti mu sese ti ala pepe.

Sigingo 34:24 ပူးပေါင်းရင်းမြစ်များ

Tongo nda ti aye 15:18

Gi na lango ni so KOTA GBIA asara *mbuki na popo ti lo na Abram, lo tene: “Mbi yeke mu ande kodro so na ahale ti mo. Kodro ni ayeke londo na ngu ti Ezipte ague ngbii asi na *bale ti Efrate.

Tongo nda ti aye 35:5

Na pekoni, ala londo, ahon. Nzapa asara si kota mbeto agbu azo ti agbata so ayeke nduru na ala. Tongaso zo oko atumba peko ti amolenge ti Jacob pepe.

1 Agbia 5:1

Salomon asara komandema na ndö ti akodro-gbia kue, ti londo na *bale ti Efrate asi na kodro ti azo ti Filistii, akiri ague ngbii asi na katikati ti sese ti Ezipte. Agbia ti akodro so kue ayeke na gbe ti Salomon, ala yeke futa alapo na lo na ngoi so kue lo ngba na fini.

1 Mbai 4:10

Yabes asambela Nzapa ti Israel, atene: “Ayeke nzoni mo sara tufa na ndö ti mbi, mo sara si le ti sese ti mbi akiri akono mingi, mo zia maboko ti mo na ndö ti mbi ti bata mbi, mo sara si akpale na pasi ahon yongoro na tere ti mbi!” Nzapa amu na lo ye so lo hunda.

2 Mbai 17:10

Akodro-gbia so kue ayeke na tere ti Juda asara mbeto ti *KOTA GBIA si mbeni oko atiri bira na Yosafat pepe.

Mbeti ti Job 1:10

Mo bata lo mbage na mbage kue, asewa ti lo nga na aye so kue lo yeke na ni. Mo sara tufa na ndö ti akua so lo yeke sara si anyama ti lo amu ya ti kodro kue.

Abia (Psaumes) 120:1

A yeke he bia so na ndembe ti guengo ni na Jérusalem. Na ya ti ye ti ngangu so asi na mbi, mbi iri *KOTA GBIA si lo yeda na mbi.

Abia (Psaumes) 78:55

Lo tumba amara nde na dawa ti ala, lo haka sese ti amara ni si lo kangbi ni na azo ti lo titene aga ti ala, lo sara si amara ti Israel aduti na gbe ti ada ti bongo ti azo ni.

Abia (Psaumes) 80:8

Nzapa, mo so mo yeke na ndö ti dunia kue, sara si e kiri maa! Baa e na nzoni le si fade e soo kuâ.

Sigingo 33:2

Fade mbi yeke tokua *ange ti mbi na dawa ti ala. Mbi yeke tumba azo ti Kanaan, azo ti mara ti Amori, ti Het, ti Perizi, ti Hivi nga na azo ti mara ti Yebus.

Sigingo 34:11

“Ye so mbi mu yanga daa na ala laso, ala sara ye mbirimbiri alingbi na ni. Mbi yeke tumba na dawa ti ala azo ti mara ti Amori, azo ti Kanaan, azo ti mara ti Het, ti Perizi, ti Hivi na ti Yebus.

Amato 16:7

Tongana KOTA GBIA ayeda na lege ti sarango ye ti mbeni zo, ataa awato ti zo ni, lo yeke leke songo na popo ti lo na ala.

Awayango-sandaga 18:24

“Alingbi ala ga *sioni pepe na lege ti sarango mara ti aye tongaso. Amara so mbi yeke tumba ala na dawa ti ala, azo ti Israel, asara mara ti aye so si ala ga *sioni.

Awatokua 18:10

ngbanga ti so mbi yeke na mo. Zo oko alingbi ti ndu mo wala ti sara sioni na mo pepe, ngbanga ti so mingi ti azo ti gbata so ayeke azo ti mbi.”

Ndia ti fani use ni 12:20

Tongana KOTA GBIA Nzapa ti ala ayeke sara ande si sese ti ala akono alingbi na zendo so lo mu na ala, tongana ala yeke na nzara ti te nyama, fade ala lingbi ti te ni senge, alingbi na ti so be ti ala aye.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

Ndia ti fani use ni 19:8

Tongana KOTA GBIA Nzapa ti ala asara si sese ti ala akono, alingbi na deba ti yanga so lo de lani na akotara ti ala nga na zendo so lo mu na ala,

Ndia ti fani use ni 7:1

Moïse atene: Fade *KOTA GBIA Nzapa ti ala ayeke gue na ala titene ala li na ya ti kodro so ala yeke mu ni titene aga ti ala. Lo yeke tumba gba ti amara nde na dawa ti ala, amara mbarambara so awu mingi si ala yeke ngangu mingi ahon ala: azo ti mara ti Het, ti Girgashi, ti Amori, ti Kanaan, ti Perizi, ti Hivi na ti Yebus.