Sigingo 34:23 - Mbeti ti Nzapa - Tënë so amu fini

²³ “Na ya ti ngu oko oko, fade akoli kue ti mara ti ala ayeke ga fani ota na dawa ti mbi Kota Gbia, NZAPA ti Israel.

Sigingo 34:23 ပူးပေါင်းရင်းမြစ်များ

Tongo nda ti aye 32:28

Zo ni ahunda lo, atene: “Iri ti mo ayeke nyen?” Jacob akiri tënë, atene: “Iri ti mbi Jacob.”

Tongo nda ti aye 33:20

Lo leke mbeni gbalaka kâ si lo di iri ni “El, Nzapa ti Israel”.

2 Mbai 8:13

Lo yeke mu asandaga ni na ya ti lango oko oko alingbi na ndia so Moïse afa: na *lango ti wungo tere, na matanga ti fini nze nga na alango ti akota matanga ota so ayeke na ya ti ngu oko: matanga ti Mapa so a sara na mama ni pepe, matanga ti Pantekote na matanga ti Akpangba.

Abia (Psaumes) 84:7

Tongana ala hon na popo-hoto ti Baka so ahole holengo, ala sara si ngu asigigi daa; akozo ngu-Nzapa asara si nzoni ye amu ndo ni kue.

Sigingo 23:14

“Na ya ti ngu oko oko, fade ala yeke sara akota matanga ota ndali ti mbi.

Sigingo 23:17

Na ya ti ngu oko oko, fade akoli kue ti mara ti ala ayeke ga fani ota na dawa ti mbi, Kota Gbia NZAPA.

Ezekiel 46:9

Tongana azo ti kodro ayeke ga ti voro KOTA GBIA na lango ti kota matanga, ala so ali na yanga ti gbagba ni ti mbage ti Banga, fade ala yeke sigigi na yanga ni ti mbage ti Mbongo; ala so ali na yanga ti gbagba ni ti mbage ti Mbongo, fade ala yeke sigigi na yanga ni ti mbage ti Banga. Yanga ti gbagba so zo ali na ni, lo lingbi ti sigigi gi na oko lege ni pepe; me lo yeke sigigi na yanga ti gbagba ti mbeni mbage ni.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.

1 Samuel 1:3

Na ya ti ngu oko oko, Elkana ayeke londo na kodro ti lo ti gue na gbata ti Silo ti voro *KOTA GBIA so ayeke na ndö ti dunia kue, ti mu nga *sandaga na lo. Kâ, ambeni wayango-sandaga ti KOTA GBIA ayeke daa. Iri ti mbeni Hofni si iri ti mbeni Pinas; ala yeke amolenge ti Heli.