Sigingo 34:20 - Mbeti ti Nzapa - Tënë so amu fini

²⁰ Me tongana ayeke kozo molenge ti lele, fade ala yeke sanze lo na kete taba wala na kete ngasa. Tongana ala sanze lele ni pepe, fade ala pete go ti lo, ala fâ lo. Me ti akozo molenge-koli ti ala azo, fade ala yeke kiri ti vo ala vongo. “Fade zo ayeke ga na ya ti da ti mbi maboko senge pepe.

Sigingo 34:20 ပူးပေါင်းရင်းမြစ်များ

2 Samuel 24:24

Me gbia atene na Aravna: “Ên-en! Mbi yeke vo ni alingbi gi na ngere ni. Ye so a mu na mbi senge senge, mbi ye ti mu na sandaga so a yeke gbi ni kue na wâ na KOTA GBIA, Nzapa ti mbi pepe!” David avo lakere ni nga na abagara ni na ale ti nginza baleoku.

Sigingo 13:10

Na ngu oko oko, fade ala sara ye alingbi na mbela so, gi na lango so a fa na ala.”

Sigingo 13:12

Tongana ala si kâ, fade ala yeke mu na KOTA GBIA amolenge-koli so azi lege ti dungo ni na mama ti ala nga na amolenge ti nyama so azi lege ti dungo ni na mama ti ala. Ala kue ayeke ti KOTA GBIA.

Sigingo 13:13

Ti kozo molenge ti lele, fade ala yeke sanze lo na kete taba wala na kete ngasa. Tongana ala sanze lele ni pepe, fade ala pete go ti lo, ala fâ lo. Me ti akozo molenge-koli ti zo so ayeke na popo ti ala, fade ala yeke kiri ti vo ala vongo.

Sigingo 13:15

Lani Faraon akpengba be ti lo si lo ke ti zia lege na e ti gue. Tongaso KOTA GBIA afâ akozo molenge-koli kue ti kodro ti Ezipte, akozo molenge-koli ti zo na ti anyama. Ndani laa e yeke ya akozo molenge-koli ti anyama na *sandaga na KOTA GBIA. Me akozo molenge ti e ti koli, e yeke kiri ti vo ala vongo.’

Sigingo 22:29

“Fade ala sara gi mara ti ye so na kozo molenge ti bagara ti ala nga na kozo molenge ti taba ti ala. Fade molenge ti nyama ni ayeke ngba na tere ti mama ti lo lango mbarambara; na lango miombe ni, ala mu lo na mbi.

Sigingo 23:15

Kozo matanga ni ayeke matanga ti Mapa so a sara na mama ni pepe. Na nze ti Abib, na ya ti lango mbarambara, mapa so a sara na mama ni pepe, ala yeke te ni alingbi na yanga so mbi mu na ala. Biani, na nze ti Abib laa ala sigigi na Ezipte. Fade zo ayeke ga na ya ti da ti mbi maboko senge pepe.

Wungo ti azo 18:15

Ti hunzi na ni, akozo molenge-koli ti zo na ti nyama so azo ti Israel amu na mbi, ayeke ga ti ala. Me akozo molenge-koli ti zo na ti nyama so ayeke *sioni, fade ala yeke sara titene a futa ngere ni.

Ndia ti fani use ni 16:16

Lakue na ya ti ngu oko oko, alingbi akoli ti amara ti ala ague fani ota ti luti na le ti KOTA GBIA Nzapa ti ala, na ndo so lo yeke soro ni: na matanga ti Mapa so a sara na mama ni pepe, na matanga ti *Pantekote nga na matanga ti Akpangba. Fade ala yeke gue ti luti na le ti KOTA GBIA, maboko ti ala senge pepe.