Sigingo 34:16 - Mbeti ti Nzapa - Tënë so amu fini

¹⁶ Tongana ala mu awali ti kodro ni ti ga awali ti amolenge ti ala, fade awali ni ayeke kpe na peko ti anzapa ti ala si ala yeke handa amolenge ti ala, azo ti Israel ti kpe nga na peko ti anzapa ti awali ni.

Sigingo 34:16 ပူးပေါင်းရင်းမြစ်များ

Tongo nda ti aye 24:3

Mbi ye titene mo deba yanga ti mo na iri ti KOTA GBIA, Nzapa ti yayu na ti sese. Tene na mbi, mo tene, mo yeke mu ande mbeni wali na popo ti amolenge-wali ti azo ti Kanaan so mbi yeke duti na popo ti ala so, ti mu na molenge ti mbi pepe.

1 Agbia 11:1

Gbia Salomon aye awali mingi so ayeke ti mara nde. Kozoni, lo mu molenge ti Faraon ti wali; na pekoni lo mu ambeni wali ti mara ti Moab, ti Amon, ti Edom, ti Sidon na ti Het.

1 Agbia 21:25

Mbeni zo ti ka tere ti lo ti sara sioni na le ti KOTA GBIA tongana Akab ayeke daa laoko pepe. Biani, wali ti lo Yezabel laa ayeke pusu lo ti sara sioni.

2 Mbai 21:11

Lo wani, lo leke ambeni ndo na ndö ti ahoto ti Juda titene azo avoro anzapa nde daa. Lo pusu azo ti Jérusalem na azo ti Juda titene ala mu peko ti anzapa nde.

Esdras 9:12

Tongaso ala azo ti Israel, ala mu amolenge ti ala ti wali na amolenge-koli ti amara ni pepe; ala soro awali na popo ti azo ti amara ni pepe ti mu na amolenge ti ala ti koli. Ala gi nzoni dutingo na nzoni maingo ti amara ni pepe; tongaso si ala, azo ti Israel, ala lingbi ti ga ngangu mara, ala yeke te anzoni ye ti sese ni si ala yeke zia sese ni na amolenge ti ala titene aga ti ala kpu na kpu.’

Esdras 9:2

Azo ti Israel amu amolenge ti amara ni so ti ga awali ti ala; ala mu nga amolenge ti amara ni so na amolenge ti ala ti koli ti ga awali ti ala. Nilaa azo so Nzapa azia ala nde ndali ti lo abongbi na azo ti kodro ni si ala ga oko. Amakonzi na akota zo ayeke akozo zo ti sara mara ti asioni ye mingi tongaso.”

Néhémie 10:30

ala kue abongbi na a-ita ti ala, akota zo. Ala mu zendo si ala deba yanga ti ala ti sara ye na lege ti Ndia ti *KOTA GBIA so lo mu na e na lege ti Moïse, zo ti kua ti lo. E deba yanga ti e ti bata na ti sara ye alingbi na atënë ti ndia kue, andia nga na atënë ti yanga ti KOTA GBIA Nzapa ti e.

Néhémie 10:31

Tongaso, e mu zendo e tene, fade e yeke mu amolenge ti e ti wali na azo ti kodro ni pepe ti ga awali ti ala. E yeke soro amolenge-wali ti azo ti kodro ni pepe ti mu na amolenge ti e ti koli.

Néhémie 13:23

Na ngoi ni so nga, mbi baa so ambeni zuife amu awali ti mara ti Asdod, ti Amon na ti Moab ti ga wali ti ala.

Néhémie 13:25

Mbi suku na azuife ni si mbi deba ala. Mbi pika ambeni zo na popo ti ala si mbi gboto kua ti li ti ala. Na pekoni, mbi tene na ala ti deba yanga ti ala na iri ti Nzapa ti kiri ti mu amolenge ti ala ti wali pepe na awande. Ala nga, alingbi ala mu awali wande pepe ti ga wali ti ala wani wala ti amolenge ti ala ti koli.

Abia (Psaumes) 106:39

Na lege ti sarango ye tongaso, ala wani aga *sioni, sarango ye ti ala ni ayeke tongana sarango ye ti ndumba.

Osée 1:2

So ayeke tongo nda ti atënë so *KOTA GBIA azia na yanga ti Osée ti tene na azo ti lo laa. Lo tene na Osée: “Gue, mo mu mbeni wali-ndumba titene lo ga wali ti mo si lo du na mo amolenge ti ndumba. Biani, azo ti kodro ni ake KOTA GBIA; so sarango aye ti ndumba ti ala laa.”

Awayango-sandaga 21:15

Tongaso si na ya ti sewa ti lo, amolenge ti lo alingbi ti ga *sioni pepe. Biani, mbi laa mbi yeke KOTA GBIA so mbi yeke sara titene lo duti nde si lo duti nzoni kue.”

Josué 23:12

Tongana ala zia lege ti KOTA GBIA si ala ngba na tere ti amara so ayeke na popo ti ala, tongana ala mu amolenge ti ala ti wali ti ga awali ti ala, tongana ala gue na ndo ti amara ni si amara ni aga na ndo ti ala,

Josué 23:13

ayeke nzoni ala hinga biani atene, fade KOTA GBIA, Nzapa ti ala ayeke ngba ti tumba azo ti mara so na dawa ti ala pepe. Amara ni ayeke ga tongana gbanda wala kuku ti gbungo ala, wala tongana zaza so a yeke pika na ndö ti peko ti ala, wala tongana ki na le ti ala. Na ndani, ala yeke hunzi kue na ndö ti nzoni sese so KOTA GBIA, Nzapa ti ala amu na ala.

Awafango-ngbanga 14:3

Babâ na mama ti lo atene na lo: “Na ya ti kete mara ti mo wala na popo ti azo ti e, mo wara mbeni maseka-wali pepe si mo gue ti mu wali gi na popo ti azo ti Filistii, azo so ahinga Nzapa pepe so?” Samson akiri tënë na babâ ti lo, atene: “Mu lo na mbi, ngbanga ti so lo laa lo nzere na be ti mbi.”

Awafango-ngbanga 3:5

Lege so laa azo ti Israel angba ti lango na popo ti azo ti Kanaan, ti Het, ti Amori, ti Perizi, ti Hivi nga na azo ti Yebus.

Awafango-ngbanga 3:6

Azo ti Israel amu amolenge-wali ti amara so titene aga awali ti ala; ala mu nga amolenge ti ala ti wali na akoli ti amara so, ala voro nga anzapa ti ala.

Awafango-ngbanga 8:27

Gédéon amu lôro so, lo leke na mbeni yanda si lo zia na Ofra, gbata ti lo. Azo ti Israel kue ayeke gue ti voro yanda ni. Tongaso yanda ni aga kuku ti gbungo Gédéon na asewa ti lo.