Sigingo 34:15 - Mbeti ti Nzapa - Tënë so amu fini

¹⁵ Tongaso, alingbi ala na azo ti kodro ni aga ambuki pepe. Tongaso pepe, tongana azo ni ayeke kpe na peko ti anzapa ti ala si ayeke mu *asandaga na anzapa ni, gbaa fade azo ni ayeke tisa ala, azo ti Israel ti te kobe so azo ni ayeke mu na sandaga na anzapa ti ala ni.

Sigingo 34:15 ပူးပေါင်းရင်းမြစ်များ

1 Mbai 5:25

Me azo ti mara ti Ruben, ti Gad na ndambo ti mara ti Manase ake Nzapa ti akotara ti ala; ala voro anzapa ti amara so Nzapa afâ ala na dawa ti ala so.

Esdras 6:9

Na lango oko oko, fade ala yeke mu na awayango-sandaga so ayeke na Jérusalem ye so alingbi ndali ti kua ti ala, tongana ti so ala fa: akoli-bagara, akoli-ngasa na amolenge ti taba ndali ti *asandaga so a yeke gbi ni kue na wâ na Nzapa ti yayu. Ala yeke mu nga na awayango-sandaga ni *ble, ingo, vin na mafuta.

Esdras 9:12

Tongaso ala azo ti Israel, ala mu amolenge ti ala ti wali na amolenge-koli ti amara ni pepe; ala soro awali na popo ti azo ti amara ni pepe ti mu na amolenge ti ala ti koli. Ala gi nzoni dutingo na nzoni maingo ti amara ni pepe; tongaso si ala, azo ti Israel, ala lingbi ti ga ngangu mara, ala yeke te anzoni ye ti sese ni si ala yeke zia sese ni na amolenge ti ala titene aga ti ala kpu na kpu.’

Abia (Psaumes) 106:28

Na hoto ti Peor, ala mu tere ti ala na nzapa *Baal, ala te anyama so a mu na *sandaga na anzapa so ayeke na fini pepe.

Abia (Psaumes) 73:27

Tongaso, zo so ahon yongoro na mo, fade lo yeke kui; zo so azia lege ti mo, mo yeke zi fini ti lo.

Sigingo 22:19

“Zo so amu *sandaga na anzapa nde si lo ke ti mu gi na mbi KOTA GBIA, alingbi ala fâ lo.

Sigingo 22:20

“Awande so alango na ndo ti ala, alingbi ala sara sioni na ala pepe wala ala sara ngangu na ala pepe. Biani, ala nga, ala yeke lani awande na sese ti Ezipte.

Sigingo 23:32

Alingbi ala na azo ni wala ala na anzapa ti azo ni aga ambuki pepe.

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Sigingo 34:10

KOTA GBIA atene na Moïse: “Mbi yeke sara titene mbi na ala e ga ambuki. Na le ti azo ti mo kue, fade mbi yeke sara aye ti dongo be so ade ti si laoko pepe na mbeni ndo na ndö ti sese so wala na popo ti mbeni mara. Fade azo so kue angoro mo ayeke baa akota ye so mbi sara na lege ti mo si aye ni ayeke zia mbeto na be ti ala.

Sigingo 34:12

Kodro so ala yeke gue daa so, ala sara hange si ala na azo ni aga ambuki pepe. Tongaso pepe, fade ye ni ayeke ga kuku ti gbungo ala.

Jérémie 3:9

Lo sara aye ti ndumba ni na ayanda so a sara na têne nga na keke si na lege ti sarango ye ti kirikiri ti lo, lo sara si kodro ni kue aga sioni.

Osée 4:12

Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Osée 9:1

Israel, duti na ngia gbani gbani pepe tongana ti ambeni mara. Biani, mo sara aye ti ndumba si mo gue yongoro na Nzapa ti mo awe; mo ye ti wara futa ti mo ndali ti aye ti ndumba na ndö ti alakere so kue a yeke pika ale ti *ble daa.

Awayango-sandaga 17:7

Tongaso si azo ti Israel ayeke kiri ti mu sandaga pepe na anzapa so akpa akoli-ngasa si ala yeke sara aye ti ndumba na ala so. Ndia so ayeke ngba kpu na kpu ndali ti azo ti Israel na *ahale ti ala.

Wungo ti azo 15:39

Tongana ala yeke baa akamba ti yanga ti bongo ti ala ni, fade ala yeke dabe ti ala na atënë ti yanga ti KOTA GBIA kue, ala yeke sara ye alingbi na ni; tongaso si be ti ala wala le ti ala ahanda ala pepe ti voro ayanda.

Wungo ti azo 25:1

Azo ti Israel aduti na Shitim. Na ndo so, ala to nda ti gingo awali ti mara ti Moab kirikiri.

Wungo ti azo 25:2

Awali ni ahanda azo ti Israel ti mu *asandaga na anzapa ti ala. Azo ti Israel ate akobe ti anzapa ni si ala kuku na gbe ti ala ti voro ala.

Awatokua 15:20

Ayeke nzoni e su mbeti, e tokua na ala titene kobe so aga *sioni na lege so a ya ni na *sandaga na anzapa nde, ala te ni pepe, ala gi wali wala koli kirikiri pepe; nyama so azo apete go ti lo petengo si lo kui so, ala te ni pepe, ala te nga mene pepe.

1 Korente 10:27

Tongana mbeni zo so ahinga Nzapa pepe airi ala ti te kobe si ala yeda ti gue, ayeke nzoni ala te ye so kue lo yeke mu na ala; me ala hunda nda ni pepe, ataa so ala yeke gi be ti ala.

1 Korente 8:10

Biani, mo so mo tene, mo yeke zo ti hingango ye, tongana mbeni zo so tënë ti be ti lo akpengba pepe abaa mo na tengo kobe na ya ti da ti anzapa nde, fade sarango ye ti mo ayeke pusu lo ti te nyama so a ya na sandaga na anzapa nde pepe?

1 Korente 8:4

Tongaso, e lingbi ti te kasa ti anyama so azo aya na sandaga na anzapa nde so? E hinga so mbeni nzapa nde ayeke na dunia so pepe, Nzapa ayeke gi oko.

1 Korente 8:7

Me azo kue laa ahinga ye so pepe. Ambeni zo ayeke gue ando na peko ti anzapa nde ngbii asi fadeso. Nilaa ala ngba ti te akasa ti nyama so a ya na sandaga, ala baa ti ala atene a mu anyama so na anzapa nde. Ndali ti so tënë ti be ti ala ade ti kpengba pepe, ala baa ti ala atene, ala ga *sioni awe ndali ti nyama so ala te so.

Ndia ti fani use ni 31:16

KOTA GBIA atene na Moïse: “Mo ga nduru ti gue na peko ti ababâ ti mo so akui so awe. Na peko ti mo, fade azo so ayeke to nda ti kpe na peko ti anzapa ti awande ti voro ala, anzapa ti kodro so ala, azo ti Israel, ala yeke li daa. Fade azo so ayeke ke mbi si ala yeke buba ya ti *mbuki so mbi na ala e sara ni.

Ndia ti fani use ni 31:18

Me ti mbi, na lango ni so, mbi yeke ngba ti honde le ti mbi na ala ndali ti asioni ye so kue ala yeke sara ande na mungo peko ti anzapa nde.

Ndia ti fani use ni 32:37

Fade lo yeke hunda ala, atene: ‘Anzapa ti ala ni ayeke na ndo wa? Anzapa so ala yeke kpe na mbage ti ala ti bata tere ti ala lani so!

Ndia ti fani use ni 32:38

Anzapa ti ala so ayeke te lani akasa ti mafuta ti asandaga ti ala, azo ti Israel so ayeke na ndo wa? Anzapa ti ala so ayeke nyon lani asamba so ala tuku ni ti ya na sandaga so. Ala londo fadeso amu maboko na ala ma! Ala ga fadeso ti bata ala ma!

Ndia ti fani use ni 7:2

KOTA GBIA ayeke zia amara ni na gbe ti komandema ti ala, azo ti Israel, ala yeke hon ndö ti azo ni na bira si ala yeke fâ ala kue ti hunzi ala. Alingbi ala sara *mbuki na azo ti amara ni pepe, ala baa mawa ti ala pepe;

Ndia ti fani use ni 7:3

ala sara kogara na azo ti amara ni pepe, ala mu amolenge ti ala ti wali pepe ti ga awali ti amolenge ti ala ti koli; ala soro na popo ti amara ni pepe awali ti mu na amolenge ti ala ti koli.

Josué 23:12

Tongana ala zia lege ti KOTA GBIA si ala ngba na tere ti amara so ayeke na popo ti ala, tongana ala mu amolenge ti ala ti wali ti ga awali ti ala, tongana ala gue na ndo ti amara ni si amara ni aga na ndo ti ala,

Aye so Nzapa afa 2:20

Me ye so mbi ke na mo ayeke so: mo zia lege na Yezabel, wali so, ti sara si azo ti kua ti mbi agirisa lege. Lo yeke tene na azo atene, ni yeke wayanga-Nzapa, lo yeke fa lege na azo ti mbi ti sara aye ti ndumba si ala yeke te akobe so a mu na *sandaga na ayanda.

Awafango-ngbanga 2:17

Me azo ti Israel ama yanga ti awafango-ngbanga ti ala ni pepe. Biani, ala kuku akpo li ti ala na gbe ti anzapa nde. Gi hio tongaso, ala zia lege so akotara ti ala atambula ando daa; ambeni kotara ti ala ayeke azo so abata ndia ti KOTA GBIA; sarango ye ti ala akpa ti akotara ti ala ni pepe.

Awafango-ngbanga 3:6

Azo ti Israel amu amolenge-wali ti amara so titene aga awali ti ala; ala mu nga amolenge ti ala ti wali na akoli ti amara so, ala voro nga anzapa ti ala.