Sigingo 34:11 - Mbeti ti Nzapa - Tënë so amu fini

¹¹ “Ye so mbi mu yanga daa na ala laso, ala sara ye mbirimbiri alingbi na ni. Mbi yeke tumba na dawa ti ala azo ti mara ti Amori, azo ti Kanaan, azo ti mara ti Het, ti Perizi, ti Hivi na ti Yebus.

Sigingo 34:11 ပူးပေါင်းရင်းမြစ်များ

1 Mbai 1:14

Lo yeke kotara ti azo ti mara ti Yebus, ti Amori, ti Girgashi,

Néhémie 13:23

Na ngoi ni so nga, mbi baa so ambeni zuife amu awali ti mara ti Asdod, ti Amon na ti Moab ti ga wali ti ala.

Sigingo 23:28

Mbi yeke tokua akota didiri kozo ti ala titene adidiri ni atumba na dawa ti ala azo ti mara ti Hivi, azo ti Kanaan na azo ti mara ti Het.

Sigingo 3:17

Nilaa mbi tene: Mbi yeke zi ala na sese ti Ezipte, ndo so ala yeke baa pasi daa mingi so, ti sigigi na ala. Mbi yeke gue na ala na sese ti azo ti Kanaan, azo ti mara ti Het, ti Amori, ti Perizi, ti Hivi na ti Yebus, *sese so ngu ti me ti bagara na mafuta ti wotoro asi singo daa.’

Sigingo 3:8

Nilaa mbi zu ti zi ala na maboko ti azo ti Ezipte, ti mu ala na sese so ala yeke daa, ti gue na ala na mbeni nzoni sese so akono, so *ngu ti me ti bagara na mafuta ti wotoro asi singo daa. Sese ni ayeke sese ti azo ti Kanaan, ti azo ti mara ti Het, ti Amori, ti Perizi, ti Hivi na ti Yebus.

Sigingo 33:2

Fade mbi yeke tokua *ange ti mbi na dawa ti ala. Mbi yeke tumba azo ti Kanaan, azo ti mara ti Amori, ti Het, ti Perizi, ti Hivi nga na azo ti mara ti Yebus.

Sigingo 8:27

KOTA GBIA asara ye alingbi na ye so Moïse ahunda: asioni vuma ni ahon yongoro na tere ti Faraon, na tere ti azo ti gbe ti lo nga na tere ti azo ti kodro ti lo. Mbeni vuma oko angba pepe.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

Ndia ti fani use ni 12:28

Alingbi ala ma atënë so kue mbi mu yanga daa na ala, ala sara ye alingbi na ni. Tongaso si fade ala na ahale ti ala ayeke baa nzoni kpu na kpu, ngbanga ti so ala sara fade ye so ayeke nzoni si ayeke mbirimbiri na le ti KOTA GBIA Nzapa ti ala.

Ndia ti fani use ni 28:1

Moïse atene: Tongana ala ma yanga ti *KOTA GBIA Nzapa ti ala biani si ala sara ye alingbi na atënë ti ndia so kue mbi mu yanga na ala daa laso, fade KOTA GBIA Nzapa ti ala ayeke mu iri ti ala na nduzu ahon tanga ti amara ti sese so kue.

Ndia ti fani use ni 33:27

Nzapa so angba lakue, lo yeke ndo ti batango tere ti mo; lo ngba lakue ti fa ngangu ti lo na ndö ti sese so. Lo tumba awato na dawa ti mo si lo tene: ‘Fâ ala kue kue kue!’

Ndia ti fani use ni 4:40

Alingbi ala sara ye alingbi na aye so ndia ti lo afa nga na atënë ti yanga ti lo so mbi yeke fa na ala laso. Tongana ala sara ye alingbi na ni, fade ala na ahale ti ala ayeke baa nzoni; gigi ti ala ayeke yo na ya ti kodro so KOTA GBIA Nzapa ti ala amu na ala kpu na kpu.

Ndia ti fani use ni 5:32

Moïse akiri atene na azo ti Israel, atene: Ala sara kue ti sara ye alingbi na ye so KOTA GBIA Nzapa ti ala amu yanga na ala ti sarango ni; ala zia ni, ahon mbage na mbage pepe.

Ndia ti fani use ni 6:25

Tongana e sara kue ti sara ye alingbi na atënë ti ndia so kue na dawa ti KOTA GBIA Nzapa ti e, fade lege ti dutingo ti e ayeke lingbi na ti so anzere na lo.”

Ndia ti fani use ni 6:3

Ala azo ti Israel, ala ma atënë ti ndia ni, ala sara kue ti sara ye alingbi na ni. Tongaso, fade ala yeke duti nzoni, ala yeke ga azo ti mara so awu mingi na *sese so ngu ti me ti bagara na mafuta ti wotoro asi singo daa, tongana ti so KOTA GBIA, Nzapa ti akotara ti ala amu zendo ni na ala.

Ndia ti fani use ni 7:19

ala wani abaa na le ti ala akota pasi, aye ti kpene na aye ti dongo be so KOTA GBIA asara lani. Ala dabe ti ala nga na ngangu ti maboko ti lo nga na maboko ti lo so lo yoro ti sara si ala sigigi na ya ti kodro ni. Fade KOTA GBIA Nzapa ti ala ayeke sara legeoko tongaso na amara nde so kue ala, azo ti Israel, ala ngba ti sara mbeto ti ala so.

Josué 23:5

Fade KOTA GBIA Nzapa ti ala wani ayeke tumba azo ni, lo yeke sara titene azo ni akpe na dawa ti ala si ala azo ti lo, ala yeke mu sese ni tongana ti so KOTA GBIA Nzapa ti ala amu zendo ni na ala.