Sigingo 33:4 - Mbeti ti Nzapa - Tënë so amu fini

⁴ So azo ni ama sioni tënë so, ala kue asara mua; zo oko ayu aye ti pendere ti lo pepe.

Sigingo 33:4 ပူးပေါင်းရင်းမြစ်များ

2 Samuel 19:24

Na pekoni, gbia atene na Shimei: “Fade a yeke fâ mo pepe, mbi deba yanga ti mbi awe.”

1 Agbia 21:27

So Akab ama atënë so Élie atene, lo suru bongo na tere ti lo, lo yu bongo ti mua si lo ke kobe ti sambela. Na bi, lo yeke lango na bongo ti mua ni na tere ti lo si lo yeke tambula gi yeke-yeke.

2 Agbia 19:1

So gbia Ezekias ama ala awe, lo suru bongo na tere ti lo, lo yu bongo ti mua si lo gue na ya ti kota da ti *KOTA GBIA.

Esdras 9:3

So mbi ma tënë so, mbi suru bongo na tere ti mbi nga na yongoro bongo ti mbi, mbi gboto kua ti li ti mbi na kua ti yanga ti mbi, mbi duti na sese na gingo be.

Mbeti ti Job 1:20

Tongaso Job alondo, lo suru kota bongo ti lo ti de si lo kio kua ti li ti lo. Na pekoni, lo ti, lo kpo li ti lo na sese

Mbeti ti Job 2:12

So ala ngba yongoro, ala baa Job, me ala hinga lo pepe. Tongaso ala yoro yanga ti ala na kota toto. Zo oko oko asuru kota bongo ti lo ti de, ala tuku fuku ti sese na nduzu si akiri atuku na ya ti li ti ala.

Sigingo 33:6

Gi so azo ti Israel alondo na hoto ti Horeb, ala to nda ti zi aye ti baba ti ala ni.

Ésaïe 32:11

Ala awali so ye ti songo ala ayeke daa pepe so, alingbi ala do na mbeto. Ala awali so abaa tere ti ala atene, ala lingbi awe so, alingbi tere ti ala ado, ala zi bongo na tere ti ala, tere ti ala angba ndumbu, ala kanga bongo ti mua na ngbonda ti ala.

Ezekiel 24:17

Mo dema gi na be ti mo, mo sara mua pepe; me mo kanga na li ti mo bongo so a yeke kanga na li tongana kpoto, mo yu poro ti mo. Mo mu bongo, mo kanga na kua ti yanga ti mo pepe, mo te kobe so a to ndali ti totongo na kuâ pepe.”

Ezekiel 24:23

Fade ala yeke bata na li ti ala bongo so a yeke kanga na li tongana kpoto, ala yeke bata poro ti ala na gere ti ala. Ala yeke dema tere ti ala pepe, ala yeke toto kuâ pepe; me fade ala yeke nge ngengo na ya ti asioni ti ala si ala yeke dema na popo ti ala.

Ezekiel 26:16

Amakonzi ti azo so alango na yanga ti kota ngu-ingo ayeke londo na ndö ti ambata ti ala, ala yeke zi akota bongo ti ala, ala yeke zi apendere bongo ti ala. Mbeto ayeke hon ndö ti ala si ala yeke duti na sese. Tere ti ala ayeke do na mbeto lakue, ye ayeke hon ndö ti ala ndali ti mo.

Osée 7:14

Tongana ala yeke dekongo na mbi, ala yeke sara ni na be ti ala kue pepe. Me na ndö ti gbogbo ti ala, ala yeke dema, ala yeke suru tere ti ala na ka ti wara kobe na fini vin. Na sarango ye tongaso, ala yeke hon yongoro na tere ti mbi.

Awayango-sandaga 10:6

Na pekoni, Moïse atene na Aaron na amolenge ti lo, Elazar na Itamar, atene: “Ala zi ya ti kua ti li ti ala kirikiri pepe, ala suru bongo na tere ti ala pepe ti fa atene, ala yeke na mua. Tongaso pepe, fade ala yeke kui si ala yeke iri ngonzo ti KOTA GBIA na ndö ti bongbi ti azo ti Israel kue. Ala zia a-ita ti ala, azo ti Israel kue atoto kuâ ti azo so KOTA GBIA asara si ala kui kuâ ti wâ so.

Jonas 3:6

So gbia ti Ninive ama tënë ti ye so asi, lo londo na ndö ti mbata ti lo ti gbia, lo zi bongo ti gbia na tere ti lo, lo yu bongo ti mua si lo duti na ya ti mburu ti wâ.

Zakarii 7:3

ti hunda tënë so na awayango-sandaga so ayeke sara kua na ya ti kota da ti KOTA GBIA so ayeke na ndö ti dunia kue nga na awayanga-Nzapa; hundango tënë ni ayeke so: “Alingbi e ngba ti toto, ti ke kobe na nze oku ni ti sambela tongana ti so e sara na ya ti angu mingi so ahon so?”

Zakarii 7:5

Mo tene na azo ti kodro ni kue nga na awayango-sandaga, mo tene: “Asara laso ngu balembarambara awe so ala yeke ke kobe si ala yeke toto na nze oku ni nga na nze mbarambara ni; ala sara aye ni so ndali ti mbi?

Wungo ti azo 14:1

Bongbi ti azo ti Israel kue ato nda ti dekongo si azo atoto na bi ni kue.

Wungo ti azo 14:39

Moïse atene peko ti atënë so kue na azo ti Israel; ala sara kota mawa.

1 Samuel 6:19

KOTA GBIA afâ azo ti Bet-Shemesh balembarambara na popo ti azo saki baleoku, ngbanga ti so ala baa sanduku ti mbuki ti KOTA GBIA. Azo ti gbata ni ayeke na ya ti kota mawa, ngbanga ti so KOTA GBIA asara ngangu na ala mingi.