Sigingo 33:20 - Mbeti ti Nzapa - Tënë so amu fini

²⁰ KOTA GBIA atene: “Mo lingbi ti baa le ti mbi pepe. Biani, zo so abaa le ti mbi, lo yeke ngba na fini pepe.”

Sigingo 33:20 ပူးပေါင်းရင်းမြစ်များ

Tongo nda ti aye 32:30

Jacob ahunda lo, atene: “Mbi gbu gere ti mo, fa na mbi iri ti mo.” Zo ni akiri tënë, atene: “Mo hunda iri ti mbi ngbanga ti nyen?” Na pekoni, lo sara tufa na ndö ti Jacob na ndo ni so.

Sigingo 24:10

Ala baa Nzapa ti Israel. Mbeni ye so ayeke tongana kpangbara têne so iri ni safir si ayeke za zango tongana ti le ti nduzu, ayeke na gbe ti gere ti lo.

Sigingo 24:9

Na pekoni, Moïse ama na li ti hoto, lo na Aaron, na Nadab, na Abihu nga na akangba ti Israel balembarambara.

Sigingo 3:6

Mbi yeke Nzapa ti babâ ti mo, Nzapa ti Abraham, Nzapa ti Isaac na Nzapa ti Jacob.” Tongaso Moïse ahonde le ti lo, ngbanga ti so lo yeke na mbeto ti baa Nzapa.

Sigingo 33:18

Moïse atene: “Mbi gbu gere ti mo, fa na mbi gonda ti mo titene mbi baa!”

Sigingo 33:23

Na pekoni, mbi yeke zi maboko ti mbi si mo lingbi ti baa gi peko ti mbi. Me le ti mbi, zo alingbi ti baa ni pepe.”

Ésaïe 6:5

Tongaso mbi tene: “Mawa na mbi, mbi kui awe! Mbi yeke zo so tënë ti yanga ti mbi ayeke *sioni, mbi yeke lango na popo ti azo so tënë ti yanga ti ala ayeke *sioni. Mbi baa na le ti mbi wani Gbia, KOTA GBIA so ayeke na ndö ti dunia kue.”

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Ndia ti fani use ni 5:24

ala tene: “*KOTA GBIA Nzapa ti e afa na e gonda ti lo, lo fa nga na e so lo yeke kota. E ma go ti lo so alondo na ya ti wâ. Laso, e baa so Nzapa alingbi ti tene tënë na zo si zo ni angba na fini senge.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

Ahebro 1:13

Laoko Nzapa atene nga na mbeni ange pepe, atene: “Ga mo duti na mbage ti maboko ti mbi ti koli, ngbii asi na ndembe so mbi yeke sara titene awato ti mo aga tongana mbata ti gbe ti gere ti mo si!”

Awafango-ngbanga 13:22

Manoa atene na wali ti lo: “Ti so ni, fade e yeke kui kue, ngbanga ti so e baa Nzapa awe.”

Awafango-ngbanga 6:22

Gédéon ahinga atene, ange ti KOTA GBIA laa; lo tene na be ti lo: “Mawa na mbi Kota Gbia NZAPA! Mbi baa ange ti mo le na le!”