Sigingo 33:18 - Mbeti ti Nzapa - Tënë so amu fini

¹⁸ Moïse atene: “Mbi gbu gere ti mo, fa na mbi gonda ti mo titene mbi baa!”

Sigingo 33:18 ပူးပေါင်းရင်းမြစ်များ

Abia (Psaumes) 4:6

Ala mu asandaga so alingbi na tënë ti ndia, ala zia be ti ala kue na ndö ti KOTA GBIA.

Abia (Psaumes) 63:3

Na ya ti kota da ti mo so ayeke nde si ayeke nzoni kue, mbi gi ti baa mo na le ti mbi si mbi baa ngangu ti mo nga na gonda ti mo.

Sigingo 33:20

KOTA GBIA atene: “Mo lingbi ti baa le ti mbi pepe. Biani, zo so abaa le ti mbi, lo yeke ngba na fini pepe.”

Jean 1:18

Zo ade ti baa Nzapa laoko pepe; me gi oko Molenge ni so ayeke Nzapa si lo yeke nduru na tere ti Nzapa Babâ, lo laa lo fa Nzapa na azo titene ala hinga lo.

Jean 14:21

“Zo so ahinga andia ti mbi si lo sara ye alingbi na ni, lo laa lo ye mbi. Babâ ti mbi ayeke ye lo; mbi nga, mbi yeke ye lo si mbi yeke sara titene lo hinga mbi.”

2 Korente 3:18

E so kue a zi bongo ni na le ti e awe, azo ayeke baa gonda ti Kota Gbia na ndö ti le ti e tongana ti so zo ayeke baa ye na ya ti tatara. Yingo ti Kota Gbia ayeke sara titene e ga nde, e kpa Kota Gbia si gonda ti e ayeke gue guengo lakue na nduzu.

2 Korente 4:6

Nzapa so atene ando, atene: “Ayeke nzoni lumiere aza na ya ti vukongo ndo”, lo wani laa lo za na be ti e titene le ti e azi si e hinga gonda ti lo so ayeke za na ndö ti le ti Christ.

1 Timothée 6:16

Lo yeke gi oko Nzapa so ayeke na fini lakue lakue, lo yeke duti na ndo so aza zango, zo alingbi ti si na ndo ni so pepe. Mbeni zo ade ti baa lo pepe, zo alingbi ti baa nga lo pepe. Gonda na ngangu so ayeke ngba kpu na kpu ayeke ti lo! Amen.

Tite 2:13

si e zia be ti e ti ku nzoni lango so fade e yeke baa kota Nzapa ti e na Wasongo e, Jésus Christ, na ya ti gonda ti lo.

Aye so Nzapa afa 21:23

Gbata ni aku titene lâ wala nze asu na ya ni pepe, ngbanga ti so gonda ti Nzapa ayeke su na ya ni si Molenge ti Taba ayeke sara titene ndo ni avuru.