Sigingo 33:14 - Mbeti ti Nzapa - Tënë so amu fini

¹⁴ KOTA GBIA akiri tënë na Moïse, atene: “Mbi wani, mbi yeke gue na ala! Mo gi be ti mo pepe.”

Sigingo 33:14 ပူးပေါင်းရင်းမြစ်များ

Mbeti ti Job 34:29

Me tongana Nzapa akanga maboko aduti, zo wa laa ayeke fâ ngbanga na li ti lo? Tongana lo honde le ti lo, zo wa laa alingbi ti baa lo, zo wa? Andaa lo yeke bata kodro nga na azo.

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Sigingo 13:21

KOTA GBIA wani laa ayeke tambula na dawa ti ala. Na kota lâ, lo yeke na ya ti ngbongboro mbinda ti fa lege na ala. Na bi, lo yeke na ya ti ngbongboro wâ ti za na tere ti ala. Tongaso ala lingbi ti tambula na kota lâ nga na bi.

Sigingo 3:12

Nzapa atene na lo: “Fade mbi yeke na mo. Ye so ayeke fa atene mbi laa mbi tokua mo ayeke so: Tongana mo zi azo ti Israel na sese ti Ezipte mo sigigi na ala, fade mo na ala ayeke voro mbi na ndö ti hoto so.”

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Jérémie 31:2

Tënë so *KOTA GBIA atene ayeke so: “Na benyama, mbi sara nzoni be na azo so asigigi lani na ya ti kuâ. Israel ayeke gue ti duti kpoo.

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Daniel 12:13

Ti mo Daniel, mo gbu ngangu ngbii asi na ndani. Na pekoni, fade mo yeke wu tere ti mo si mo yeke londo titene mo wara aye ti peko ti kua ti mo na lango ti ndani.’ ”

Matthieu 11:28

“Ala ga na mbi, ala so kue awoko na yongo anengo kungba, fade mbi yeke mu na ala lege ti wu tere ti ala.

Matthieu 28:20

ala fa na ala ti bata lege ti aye so kue mbi mu yanga na ala. Baa, mbi yeke na ala lakue ngbii asi na ngoi ti ndani.”

Ndia ti fani use ni 12:10

Me tongana ala fâ ngu ti Jourdain si ala duti na sese so KOTA GBIA Nzapa ti ala amu na ala titene aga ti ala, fade lo yeke sara titene awato ti ala so angoro ala akiri agi tënë na ala pepe si ala yeke duti na siriri.

Ndia ti fani use ni 25:19

Fadeso, *KOTA GBIA Nzapa ti ala ayeke mu na ala lege ti wu tere na ya ti kodro so lo yeke mu na ala titene aga ti ala. Fade ala yeke fâ azo ti mara ti Amalek ti hunzi ala; tongaso si zo ayeke kiri ti dabe ti lo na mara ti ala pepe na ndö ti sese so. Ala, azo ti Israel, be ti ala agirisa na ni pepe!

Ndia ti fani use ni 3:20

Ala mu maboko na a-ita ti ala ngbii KOTA GBIA asara titene ala nga, ala wara lege ti duti kpoo tongana ti so ala duti ge so. Ala mu maboko na a-ita ti ala ni titene ala nga, ala wara sese so KOTA GBIA Nzapa ti ala, azo ti amara ti mbage ti To, aye ti mu na ala na mbage ti ngu ti Jourdain kâ. Na pekoni, fade ala oko oko akiri na ndo ti ala, na sese so mbi mu na ala.”

Ndia ti fani use ni 31:8

KOTA GBIA wani laa ayeke mu li ti tambula ni na mo, lo wani lo yeke na mo. Lo yeke do mo ti zia mo pepe, lo yeke zia mo oko pepe. Tongaso, alingbi mo sara mbeto pepe, mo sara si be ti mo awoko pepe.”

Ndia ti fani use ni 4:37

Ndali ti so lo ye akotara ti ala, nilaa lo soro ala, *ahale ti ala; lo wani, lo sara si ala sigigi na sese ti Ezipte na lege ti kota ngangu ti lo.

Josué 1:5

Na lango so kue mo ngba na fini, fade mbeni zo ti gbu le ni na mo ayeke daa pepe. Fade mbi yeke na mo tongana ti so mbi yeke ando na Moïse; mbi yeke do mo ti zia mo pepe, mbi yeke zia mo oko pepe.

Josué 21:44

KOTA GBIA amu ala lege ti wu tere na ya ti sese ni kue, tongana ti so lo deba yanga ti lo lani na akotara ti ala. KOTA GBIA azia awato ti ala kue na maboko ti ala, mbeni oko alingbi ti gbu le ni na ala pepe.

Josué 22:4

Fadeso, KOTA GBIA, Nzapa ti ala, amu lege na a-ita ti ala ni ti wu tere tongana ti so lo mu lani zendo ni na ala. Ala lingbi ti kiri na ndo ti ala, na sese so Moïse, zo ti kua ti KOTA GBIA, amu na ala titene aga ti ala na To ti ngu ti Jourdain.

Josué 23:1

Na peko ti so *KOTA GBIA azi azo ti Israel na maboko ti awato ti ala so angoro ala, lo mu na ala siriri aninga awe. Josué aga mbakoro si ngu ti lo ahon mingi awe.