Sigingo 33:10 - Mbeti ti Nzapa - Tënë so amu fini

¹⁰ Azo kue ayeke baa ngbongboro mbinda so aluti na yanga ti da ti bongo ni. Tongaso azo kue ayeke londo si zo oko oko ayeke kuku, akpo li ti lo na sese na yanga ti da ti lo wani.

Sigingo 33:10 ပူးပေါင်းရင်းမြစ်များ

1 Agbia 8:14

Azo ti Israel kue abongbi, ala luti na nduzu; Salomon abaa ndo na mbage ti ala si lo sara tufa na ndö ti ala.

1 Agbia 8:22

Na pekoni, Salomon aluti na dawa ti gbalaka ti *KOTA GBIA, na dawa ti bongbi ti azo ti Israel kue, lo yoro maboko ti lo na nduzu ti sambela,

Sigingo 13:21

KOTA GBIA wani laa ayeke tambula na dawa ti ala. Na kota lâ, lo yeke na ya ti ngbongboro mbinda ti fa lege na ala. Na bi, lo yeke na ya ti ngbongboro wâ ti za na tere ti ala. Tongaso ala lingbi ti tambula na kota lâ nga na bi.

Sigingo 33:11

KOTA GBIA ayeke tene tënë na Moïse le na le tongana ti so zo ayeke tene tënë na mba ti lo. Na pekoni, Moïse ayeke kiri na ya ti bâbâ. Me Josué, molenge ti Nune, maseka so ayeke mu maboko na Moïse ayeke ngba ti lo na ya ti da ti bongo ni.

Sigingo 33:9

Tongana Moïse ali na ya ti da ti bongo ni awe, ngbongboro mbinda ayeke ga ti luti na yanga ti da ni; KOTA GBIA ayeke tene tënë na Moïse.

Sigingo 4:31

Azo ti Israel ayeda na tënë ni si ala hinga atene, KOTA GBIA ayeke ga ti mu maboko na ala, ngbanga ti so lo baa lege so ala baa pasi. Tongaso, ala kuku akpo li ti ala na sese ti voro lo.

Nzoni Tënë so Luc asu na mbeti 18:13

Me zo ti rongo nginza ti lapo angba ti lo yongoro kâ; lo mu nga le ti lo na nduzu pepe. Me lo zia maboko ti lo na ndö ti go ti lo, lo tene: ‘Nzapa, baa mawa ti mbi, mbi so mbi yeke zo ti siokpari so.’