Sigingo 32:33 - Mbeti ti Nzapa - Tënë so amu fini

³³ KOTA GBIA akiri tënë na Moïse: “Zo so asara siokpari ti ke mbi laa mbi yeke zi iri ti lo na ya ti mbeti ti mbi.

Sigingo 32:33 ပူးပေါင်းရင်းမြစ်များ

Abia (Psaumes) 69:28

Su sioni ti ala na le ti mbeti, kiri mo baa ala tongana azo ti mbirimbiri pepe.

Abia (Psaumes) 69:29

Zi iri ti ala na mbeti so a su iri ti azo so ayeke na taa fini daa, zia iri ti ala na popo ti azo ti mbirimbiri pepe.

Abia (Psaumes) 9:5

ngbanga ti so mo fâ ngbanga ti mbi mbirimbiri, mo gbu koko ti mbi awe. Mo duti na ndö ti mbata ti mo ti gbia, mo so mo yeke wafango-ngbanga ti mbirimbiri.

Sigingo 17:14

KOTA GBIA atene na Moïse: “Su aye so kue na mbeti si aga ye ti dango be ti ala. Tene tënë so na mê ti Josué, mo tene: ‘Fade mbi yeke hunzi azo ti Amalek kue, mbi yeke sara si na ndö ti sese so, azo akiri adabe ti ala na mara ti ala pepe.’ ”

Ezekiel 18:20

Zo so asara siokpari, lo laa lo yeke kui. Fade molenge ayeke yo ngbanga ti sioni ti babâ ti lo pepe; babâ ayeke yo ngbanga ti sioni ti amolenge ti lo pepe. Zo ti mbirimbiri ayeke wara futa ti sarango ye ti mbirimbiri ti lo, zo ti sioni ayeke wara futa ti sarango sioni ti lo.”

Ezekiel 18:4

Biani, fini ti azo kue ayeke ye ti mbi, ataa fini ti ababâ wala ti amolenge. Zo so asara siokpari, lo laa lo yeke kui.

Awayango-sandaga 23:30

Zo so asara kua na lango ni so, fade mbi yeke zi lo na popo ti azo.

Ndia ti fani use ni 29:20

KOTA GBIA ayeke zia lo yamba na popo ti amara ti Israel kue titene a buba lo biani biani, alingbi na adengo ba ti mbuki so a su tënë ni na ya ti mbeti ti *Ndia so.

Filipe 4:3

Ti mo, so mo yeke taa mba ti mbi zo ti kua, mbi hunda na mo titene mo mu maboko na awali use so, ngbanga ti so ala sara kua ngangu na tere ti mbi ti fa Nzoni Tënë na azo, ala na Clément nga na ambeni mba ti mbi, azo ti kua so kue iri ti ala ayeke na ya ti mbeti so a su iri ti azo so ayeke na taa fini daa.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.

Aye so Nzapa afa 3:5

“Zo so aso benda, fade lo yeke yu vuru bongo. Fade mbi yeke zi iri ti lo pepe na ya ti mbeti so a su iri ti azo so ayeke na taa fini daa. Mbi yeke tene polele na le ti Babâ ti mbi na ti a-ange ti lo mbi tene, lo yeke zo ti mbi.