Sigingo 32:29 - Mbeti ti Nzapa - Tënë so amu fini

²⁹ Tongaso Moïse atene na azo ti mara ti Lévi: “Laso a zia ala nde ndali ti kua ti KOTA GBIA awe. Biani, ataa amolenge ti ala ti koli wala a-ita ti ala, ala fâ ala. Ayeke nzoni KOTA GBIA asara tufa na ndö ti ala laso.”

Sigingo 32:29 ပူးပေါင်းရင်းမြစ်များ

2 Mbai 35:3

Na pekoni, lo tene na azo ti mara ti Lévi so a zia ala nde ndali ti KOTA GBIA si ala yeke fa ye na azo ti Israel, lo tene: “Sanduku ti *mbuki so ayeke nde si ayeke nzoni kue so, ala zia ni na ya ti kota da ti Nzapa, da so Salomon, molenge ti David, gbia ti Israel asara ando so; fade ala yeke kiri ti yo ni na ndö ti go ti ala pepe. Fadeso ala sara kua na KOTA GBIA, Nzapa ti ala, ala sara nga kua na azo ti Israel, azo ti lo.

Sigingo 32:28

Azo ti mara ti Lévi asara ye alingbi na tënë so Moïse atene na ala. Nilaa azo ti Israel nduru na saki ota akui na lango ni so.

Sigingo 32:30

Lango oko na pekoni, Moïse atene na azo ni, atene: “Ala sara kota siokpari awe. Me fadeso, mbi yeke gue na li ti hoto na mbage ti KOTA GBIA. Mbi hinga pepe, mbi yeke gi lege ti sara si lo zi siokpari na li ti ala.”

Amato 21:3

Sarango ye ti mbirimbiri na sarango ye na legeni anzere na KOTA GBIA ahon mungo *sandaga.

Zakarii 13:3

Tongana mbeni zo angba ti tene peko ti tënë ti yanga ti Nzapa, ataa so zo ni ayeke taa wayanga-Nzapa pepe, fade babâ na mama ti lo wani ayeke tene na lo: ‘Alingbi mo kui, ngbanga ti so mo yeke tene mvene na iri ti KOTA GBIA.’ Na ndembe so lo ngba ti tene tënë ni, babâ na mama ti lo wani ayeke kpo lo.

Matthieu 10:37

Zo so aye babâ wala mama ti lo ahon mbi, lo lingbi ti duti disiple ti mbi pepe; zo so aye molenge ti lo ti koli wala ti wali ahon mbi, lo lingbi ti duti disiple ti mbi pepe.