Sigingo 31:6 - Mbeti ti Nzapa - Tënë so amu fini

⁶ Na ndö ni kue, mbi zia Oholiab, molenge ti Ahisamak na tere ti lo ti mu maboko na lo. Ahisamak ayeke zo ti mara ti Dan. Mbi mu nga ndara mingi na azo oko oko so kue ayeke sara ye na kode titene ala sara aye so kue mbi mu yanga na mo ti sara:

Sigingo 31:6 ပူးပေါင်းရင်းမြစ်များ

1 Agbia 3:12

mbi yeke sara ye alingbi na ye so mo hunda: mbi yeke mu na mo ndara na hingango ndo. Mbeni zo ti duti na ndara tongana mo ayeke daa pepe, ataa kozo na mo wala na peko ti mo.

Sigingo 28:3

Ndali ni, fade mo yeke tene tënë na azo so kue ayeke sara ye na kode, ala so mbi mu na ala kota ndara ti fu abongo ti Aaron. Lo yeke yu abongo ni na ndembe so a yeke zia lo nde ti sara kua ti wayango-sandaga nga na ngoi so lo yeke sara kua ni.

Sigingo 31:5

lo hinga ti suru ya ti atêne ti zia na tere ti aye titene aga pendere, ti sara apendere ye ti kode na keke nga na mara ti akua nde nde.

Sigingo 35:10

Ayeke nzoni azo so kue ayeke sara ye na kode si ayeke na popo ti ala aga asara aye so kue KOTA GBIA amu yanga daa:

Sigingo 35:34

Na ndö ni kue, KOTA GBIA amu na lo matabisi ti fa aye ti kode ni so na azo tongana ti so lo mu na Oholiab, molenge ti Ahisamak, zo ti mara ti Dan.

Sigingo 35:35

KOTA GBIA asara si ala wara ndara mingi ti sara na akua nde nde: kua ti sarango ye na kode na tere ti atêne ti ngangu ngere, kua ti sarango ye ti kode, kua ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango. Ala hinga ti sara akua nde nde, ala hinga ti gbu li ti sigigi na kode ti akua nde nde.

Sigingo 35:4

Moïse atene na bongbi ti azo ti Israel kue, atene: “Yanga so KOTA GBIA amu ayeke so:

Sigingo 36:8

Azo so ahinga ti sara kua nzoni asara da so Nzapa ayeke duti daa; ala sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Ala kpo limo ti *asheruben na tere ni.

Sigingo 38:23

Zo so amu maboko na lo ayeke Oholiab, molenge ti Ahisamak ti koli, zo ti mara ti Dan. Oholiab ayeke zo ti sarango ye na kode na tere ti atêne ti ngangu ngere, zo ti sarango ye ti kode, zo ti kpongo apendere nzoroko na kamba ti *len so akpengba kpengbango na tere ti bongo so nzoroko ni akpa le ti nduzu, bongo so abe bengo na bengba bongo so ayeke za zango.

Sigingo 6:26

Aaron na Moïse laa KOTA GBIA amu yanga na ala, atene: “Ala zi azo ti Israel asigigi na Ezipte, na lege ti molongo ti amara ti ala oko oko.”

Nzoni Tënë so Luc asu na mbeti 10:1

Na pekoni, *Kota Gbia asoro ambeni disiple balembarambara na use; lo tokua ala use use titene ala hon kozoni na lo na ya ti agbata na akete kodro so kue lo ye ti gue daa.

Awatokua 13:2

Mbeni lâ, so ala bongbi ti voro *Kota Gbia si ala ke kobe ti sambela, Yingo-Vuru atene na ala: “Ala zia Barnabas na Saul nde ndali ti mbi titene ala sara kua so mbi iri ala ndali ni.”

Jacques 1:5

Tongana ndara atia mbeni zo na popo ti ala, ayeke nzoni lo hunda na Nzapa, fade Nzapa ayeke mu ni na lo. Biani, Nzapa ayeke mu ye na zo na nzoni be, lo yeke hunda yanga ti zo na peko ni pepe.